హైదరాబాద్, ఫిబ్రవరి 29: పంట రుణాల మాఫీపై స్పష్టత లేదని, తెలంగాణ రాష్ట్రం ఏర్పాటు నుంచి ఇప్పటి వరకు ఆరు వేల మంది రైతులు మరణించినట్లు కాంగ్రెస్ పార్టీ సీనియర్ నేత, ఎమ్మెల్సీ జీవన్ రెడ్డి అన్నారు. రైతు బీమా రైతు బంధు రైతులందరికీ అందడంలేదన్నారు. రైతు బంధు పథకం మూడు ఎకరాల లోపు ఉన్న రైతులకు మాత్రమే అందుతున్నట్లు తెలుస్తుందన్నారు.

హైదరాబాద్, ఫిబ్రవరి 29: ఢిల్లీ అల్లర్లలో తమ వైఫల్యాలను కప్పిపుచ్చుకునేందుకు సోనియాగాంధీ, రాహుల్, ప్రియాంక గాంధీలపై బీజేపీ ప్రభుత్వం నిరాధారమైన ఆరోపణలు చేస్తోందని టీపీసీసీ అధికార ప్రతినిధి జీ నిరంజన్ అన్నారు. బీజేపీ దిగుజారుడు రాజకీయాలకు పాల్పడడం దారుణమన్నారు. నిందితులైన తమ నేతలను వెనకేసుకుని రావడానికి కాంగ్రెస్ నేతలపై ఎదురుదాడికి దిగిన నీచ మనస్తత్వం బీజేపీదేనన్నారు.

హైదరాబాద్, ఫిబ్రవరి 29: పదో తరగతి పరీక్షలకు భారీ ఏర్పాట్లు చేస్తున్నట్టు విద్యాశాఖ స్పెషల్ సీఎస్ చిత్రారామచంద్రన్ తెలిపారు. శనివారం నాడు ఆమె ఇంటర్మీడియట్ బోర్డు నుండి పాఠశాల విద్యాశాఖకు చెందిన వివిధ జిల్లాల డిఈఓలు ఇతర సీనియర్ అధికారులతో వీడియోకాన్ఫరెన్స్‌లో మాట్లాడారు. ఈ సమీక్షకు ఇంటర్ బోర్డు కార్యదర్శి సయ్యద్ ఒమర్ జలీల్, పరీక్షల డైరెక్టర్ ఎ సత్యనారాయణ రెడ్డి హాజరయ్యారు.

హైదరాబాద్: రాష్ట్రంలో రాష్ట్రపతి ఉత్తర్వులకు సంబంధించి వివిధ శాఖలు తమ తమ శాఖల వివరాలను 2020 మార్చి 4 లోగా జీఏడీకి సమర్పించాలని ప్రభుత్వ ప్రధాన కార్యదర్శి సోమేశ్ కుమార్ ఆదేశించారు. బూర్గుల రామకృష్ణారావు (బీఆర్‌కే) భవన్‌లో శనివారం ఏర్పాటు చేసిన ఉన్నతస్థాయి సమావేశంలో ఆయన మాట్లాడారు.