హైదరాబాద్/సికిందరాబాద్, మార్చి 2: ప్రపంచాన్ని గడగడలాడిస్తున్న కోవిడ్-19 (కరోనా) వైరస్ నగరానికి చేరుకుంది. దేశం లో మరో ఇద్దరికి కోవిడ్-19 లక్షణాలున్నట్లు సోమవారంనాడు కేంద్ర ప్రభుత్వం ప్రకటించిన నేపథ్యంలో అందులో ఒకరు హైదరాబాద్ నగరానికి చెందిన వాసిగా నిర్థారించింది. దీంతో రాష్ట్ర వైద్య ఆరోగ్య శాఖ అప్రమత్తమైంది. ఇప్పటివరకు నగరానికి కోవిడ్ భ యం లేదని భావించిన నగరవాసులు ఒక్కసారిగా ఉలిక్కిపడ్డా రు.

నల్లగొండ, మార్చి 1: ఏపీ పునర్విభజన ప్రక్రియకు సంబంధించి పార్లమెంట్ చేసిన చట్టాలను గౌరవించి కేంద్రం వాటి అమలుకు చర్యలు తీసుకోవాలని రాష్ట్ర శాసనమండలి చైర్మన్ గుత్తా సుఖేందర్‌రెడ్డి కోరారు.

ఖైరతాబాద్, మార్చి 1: మాటల సీఎం కేసీఆర్ అని మల్కాజిగిరి పార్లమెంట్ సభ్యుడు రేవంత్ రెడ్డి విమర్శించారు. ఆదివారం జూబ్లీహిల్స్‌లోని తన కార్యాలయంలో ఏర్పాటుచేసిన విలేఖరుల సమావేశంలో బాధిత మహిళలతో కలిసి ఆయన మాట్లాడారు. ముఖ్యమంత్రి కేసీఆర్ ఆరేళ్ల పాలనలో ఒక్క ఇల్లు కూడా ఇవ్వలేదని విమర్శించా రు. గత ప్రభుత్వాలు నిర్మించిన ఇళ్లకు రంగులు వేసి ప్రజలకు అందించారని పేర్కొన్నారు.

ఖమ్మం, మార్చి 1: ప్రజలంతా సంఘటితంగా సహకరిస్తే అద్భుతాలు సృష్టించవచ్చని, తమ ఇంటితో పాటు గల్లీ కూడా పరిశుభ్రంగా ఉండేలా చూసుకోవాల్సిన బాధ్యత వారిపైనే ఉందని రాష్ట్ర ఐటీ, పట్టణాభివృద్ధి శాఖ మంత్రి కే తారకరామారావు అన్నారు. ఆదివారం ఖమ్మం పర్యటనలో భాగంగా ఆయన పలు కార్యక్రమాల్లో పాల్గొన్నారు. ఖమ్మం నగరంలో పలుచోట్ల నేరుగా ప్రజలతో మాట్లాడి ప్రభుత్వ పనితీరు, స్థానిక సమస్యలపై ఆరాతీశారు.