హైదరాబాద్, సెప్టెంబర్ 27: తెలంగాణ శాసనసభ ఎన్నికల కోసం మీడియా ప్రతినిధులకు కేంద్రంగా ‘మీడియా సెంటర్’ను గురువారం ప్రారంభించారు. తెలంగాణ సచివాలయంలోని ‘డీ’ బ్లాకులోని పబ్లిసిటీ సెల్ ప్రాంగణంలో ఏర్పాటు చేసిన ఈ సెంటర్‌ను చీఫ్ ఎలక్టోరల్ అధికారి (సీఈఓ) రజత్‌కుమార్ లాంఛనంగా ప్రారంభించారు. మీడియా ప్రతినిధులు ఉపయోగించుకునేందుకు వీలుగా కంప్యూటర్లను ఏర్పాటు చేశారు.

కరీంనగర్, సెప్టెంబర్ 27: మిత్రపక్షాల మహాకూటమికి లైన్ క్లియర్ అయినప్పటికీ ఓ వైపు ఎక్కడెక్కడ ఎవరికివ్వాలి? ఎన్నివ్వాలి? అనే అంశాలపై చర్చలు సాగుతుండగా, మరోవైపు పార్టీల నుంచి సీట్లను ఆశించే అభ్యర్థుల నుంచి దరఖాస్తులను స్వీకరిస్తున్న దరిమిలా ఇంకా ఒక కొలిక్కిరావడం లేదు. ఆలస్యమవుతున్న కొద్దీ సీట్లపై కనే్నసిన ఆశావహులు నరాలు తెగే ఉత్కంఠకు లోనవుతూ, ఇంకెన్ని రోజులో అంటూ నిరీక్షిస్తున్నారు.

హైదరాబాద్, సెప్టెంబర్ 27: తెలంగాణ రాష్ట్ర కాంగ్రెస్ కార్యనిర్వాహక అధ్యక్షుడు రేవంత్‌రెడ్డి ఇళ్లపై ఆదాయపన్ను శాఖ అధికారుల దాడుల విషయంలో ప్రధాని నరేంద్రమోదీకి సంబంధం లేదని భాజపా నేత జి కిషన్‌రెడ్డి పేర్కొన్నారు. గురువారం నాడు ఆయన పార్టీ కార్యాలయంలో పాత్రికేయులతో మాట్లాడుతూ రేవంత్ రెడ్డి ఇంటికి వెళ్లి దాడి చేయాలని ఐటీ అధికారులకు ప్రధాని నరేంద్రమోదీ చెప్పేంత ఖర్మ బీజేపీకి పట్టలేదని అన్నారు.

హైదరాబాద్, సెప్టెంబర్ 27: జంట నగరాల్లో ప్రభుత్వ, ప్రైవేట్ విద్యాసంస్థల్లో చదువుతున్న లక్షమంది విద్యార్థులకు ట్రాఫిక్ నిబంధనలపై అవగాహన కల్పించినట్లు హైదరాబాద్ ట్రాఫిక్ పోలీస్ కమిషనర్ అనిల్‌కుమార్ తెలిపారు. రోడ్డు భద్రతపై చైతన్యం అన్న నినాదంతో గత జూలై నెలలో ప్రారంభించిన అవగాహన కార్యక్రమం కొనసాగుతోందన్నారు.