మెదక్ రూరల్: నాలుగేళ్లకే ముందస్తు ఎన్నికలకు వెళ్లి అక్రమంగా అధికారంలోకి వచ్చేందుకు టీఆర్‌ఎస్ 36 లక్షల ఓటర్ల పేర్లను గల్లంతు చేసిందని తెలంగాణ జనసమితి వ్యవస్థాపక అధ్యక్షులు ప్రొఫెసర్ కోదండరాం ఆరోపించారు. ప్రభుత్వాలు ప్రజల కోసం పనిచేయాలని, ఉద్యమించి సాధించుకున్న తెలంగాణ రాష్ట్రం ఆశించిన స్థాయిలో ముందుకువెళ్లకపోవడం వల్లనే జనం కోసం తెలంగాణ జన సమితి ఆవిర్భవించిందన్నారు.

హుజూర్‌నగర్, సెప్టెంబర్ 17: తెలంగాణ ప్రత్యేక రాష్ట్రం కోసం ప్రాణత్యాగం చేసిన కాసోజు శ్రీకాంతాచారి తల్లినే కాక బీసీ మహిళనైన తనకు హుజూర్‌నగర్ నుంచి టీఆర్‌ఎస్ అభ్యర్థిగా టికెట్టు రాకుండా జిల్లా మంత్రి జగదీశ్వర్‌రెడ్డి ముఖ్యమంత్రి వద్ద అడ్డుపడుతున్నారని నియోజకవర్గ టీఆర్‌ఎస్ ఇన్‌చార్జి కే. శంకరమ్మ అన్నారు.

మిర్యాలగూడ టౌన్, సెప్టెంబర్ 17: ధన, అహంకారంతో పెరుమాళ్ల ప్రణయ్‌కుమార్‌ను హత్య చేశారని, సమగ్ర విచారణకు ప్రభుత్వానికి, పోలీసులకు కాంగ్రెస్ సహకరిస్తుందని సీఎల్‌పీ మాజీ నేత, మాజీ హోంమంత్రి కుందూరు జానారెడ్డి అన్నారు. ప్రేమ పెళ్లి చేసుకుని హత్యకు గురైన ప్రణయ్‌కుమార్ ఇంటిని సోమవారం ఆయన సందర్శించారు.

హైదరాబాద్‌: తెలంగాణ ముఖ్యమంత్రి కేసీఆర్‌ మజ్లిస్‌ పార్టీ చేతిలో కీలుబొమ్మగా మారి.. తెలంగాణకు అన్యాయం చేస్తున్నారని తెలంగాణ భాజపా శాసనసభాపక్ష నేత కిషన్‌రెడ్డి ఆరోపించారు. సెప్టెంబరు 17ను పురస్కరించుకుని నాంపల్లిలోని భాజపా కార్యాలయంలో తెలంగాణ విమోచన దినోత్సవాన్ని ఘనంగా నిర్వహించారు. ఈ కార్యక్రమంలో కిషన్‌రెడ్డి, లక్ష్మణ్‌, కేంద్ర మాజీ మంత్రి బండారు దత్తాత్రేయ తదితరులు పాల్గొన్నారు.