హైదరాబాద్, జూన్ 14: రాష్ట్రంలోని స్వయం సహా య గ్రూపులకు ట్యాబ్లెట్ పీసీలను (పర్సనల్ కంప్యూటర్) అందిస్తున్నామని పంచాయతీరాజ్ గ్రామీణాభివృద్ధి మంత్రి జూపల్లి కృష్ణారావు తెలిపారు. సచివాలయంలో గురువారం ఏర్పాటు చేసిన ప్రత్యేక కార్యక్రమంలో స్ర్తి నిధి బ్యాంకు సహకారంతో 25 సంఘాలకు లాంఛనంగా ట్యాబ్లెట్ పీసీలను అందించారు. రాష్ట్ర వ్యాప్తంగా వెంటనే ట్యాబ్లెట్ పీసీలు అందించే ఏర్పాట్లు చేశామన్నారు.

హైదరాబాద్, జూన్ 14: రాష్ట్రంలోని 26 ప్రధాన దేవాలయాలకు నాన్-హెరిడిటీ పాలక మండళ్లను నియమించాలని ప్రభుత్వం నిర్ణయించింది. ఈ పాలక మండళ్లలో సభ్యులుగా ఎంపిక చేసేందుకు వీలుగా భక్తులెవరైనా దరఖాస్తు చేసుకోవచ్చని రెవెన్యూ (దేవాదాయ) శాఖ ముఖ్యకార్యదర్శి ఎన్. శివశంకర్ తెలిపారు. ఈ మేరకు గురువారం ఒక జీఓ జారీ అయింది.

హైదరాబాద్, జూన్ 14: రాష్ట్ర ప్రభుత్వం, రాష్ట్ర సచివాలయ ఉద్యోగుల సంఘం సంయుక్తంగా గురువారం ఇఫ్తార్ విందు ఏర్పాటు చేశారు. ఈ సందర్భంగా ముస్లింమహిళలకు ప్రభుత్వం తరఫున గిఫ్ట్ ప్యాక్‌లను ఉపముఖ్యమంత్రి మహమూద్ అలీ, ప్రభుత్వ సలహాదారు (ముస్లిం మైనారిటీ) ఏకే ఖాన్, సచివాలయ ఉద్యోగుల సంఘం అధ్యక్షుడు నరేందర్‌రావు తదితరులు పంపిణీ చేశారు.

హైదరాబాద్, జూన్ 14: కేంద్రప్రభుత్వ సంస్థ సెంట్రల్ ఇనిస్టిట్యూట్ ఆఫ్ ప్లాస్టిక్ ఇంజనీరింగ్ అండ్ టెక్నాలజీలో డిప్లొమో, పోస్టు డిప్లొమో, పోస్టు గ్రాడ్యూయేట్ డిప్లొమో కోర్సులకు ఆన్‌లైన్‌లో దరఖాస్తులను స్వీకరిస్తోంది.