హైదరాబాద్, డిసెంబర్ 26: తెలంగాణ రాష్ట్రానికి ప్రభుత్వ కార్యదర్శిగా ఎవరు నియామకం అవుతారన్న అంశంపై సర్వత్రా చర్చ జరుగుతున్నప్పటికీ, ముఖ్యమంత్రి కే. చంద్రశేఖరరావు మనసులో ఎవరున్నారన్నదే కీలకమైంది. సీనియర్ అయినా జూనియర్ అయినా ఎంపిక చేసుకునే అధికారం ముఖ్యమంత్రికి ఉండటంతో సీఎస్ పదవి ఎవరిని వరిస్తుందన్నది ఇంకా చర్చల్లోనే ఉంది. ముఖ్యమంత్రి ఇప్పటి వరకు ఈ అంశంపై అధికారికంగా ఎలాంటి ప్రకటనా చేయలేదు.

హైదరాబాద్, డిసెంబర్ 26:జరగబోవు మున్సిపల్ ఎన్నికలకు టీడీపీ సమాయత్తం అవుతోంది. మున్సిపల్ ఎన్నికలపై పార్టీ విస్తత్రంగా చర్చలు జరపాలని నిర్ణయించింది. జనవరి మొదటి వారంలో పోటీ చేసే అభ్యర్థల పేర్లను పార్టీ అధిష్టానం ప్రకటించే అవకాశం ఉందని సీనియర్ నేతలు చెబుతున్నారు. మున్సిపాల్టీలలో రిజర్వేషన్ల అమలు తీరుపై టీడీపీ నేతలు చర్చించనున్నారు.

మానవపాడు, డిసెంబర్ 25: అష్టాదశ శక్తిపీఠాలలో 5వ శక్తిపీఠంగా విరాజిల్లుతున్న శ్రీ జోగుళాంబదేవి, బాలబ్రహ్మేశ్వర స్వామి ఆలయాలు గురువారం కేతుగ్రస్త పాక్షిక సూర్యగ్రహణం సందర్భంగా బుధవారం రాత్రి 8.30గంటలకు ఉభయ ఆలయాలు మూసివేశారు. గురువారం మధ్యాహ్నం ఆలయ శుద్ది, మహాసంప్రోక్షణ అనంతరం మధ్యాహ్నం 3గంటలకు మహామంగళహారతితో భక్తులకు దర్శనభాగ్యం కల్పిస్తున్నట్లు ఆలయ ఈవో ప్రేమ్‌కుమార్ తెలిపారు.

మహబూబాబాద్,డిసెంబర్ 25: మహబూబాబాద్ జిల్లా కేసముద్రంలో జరిగిన సంఘటనను ఆధారం చేసుకొని కొందరు కావాలని అనవసర రాద్ధాంతం చేస్తున్నారని మానుకోట ఎమ్మెల్యే బానోత్ శంకర్‌నాయక్ అన్నారు. ఇటీవల కేసముద్రంలో జరిగిన కార్య క్రమంలో రెండు కులాల వారికి బలుపుందని ఎమ్మెల్యే విమర్శించినట్టుగా వచ్చిన వార్తలపై వివాదం చెలరేగింది. దీనిపై మహబూబాబాద్‌లో బుధవారం ఆయన మాట్లాడుతూ..