చేతిలో పుస్తకం ఉన్నా లేకున్నా, నేటి కుర్రకారుకు సెల్‌ఫోనే అత్యంత ప్రధానం. అధునాతన స్మార్ట్ఫోన్లు వాడుతూ సామాజిక మీడియాలో కాలక్షేపం చేయడమే యువతలో చాలామందికి ముఖ్య వ్యాపకం అయింది. సెల్‌ఫోన్ ఎందుకు వాడుతున్నారనే విషయాన్ని పక్కన పెడితే, అదే పనిగా గంటల తరబడి ఫోన్లను వాడేవారు ఆరోగ్య సమస్యలను ఎదుర్కొనక తప్పదని నిపుణులు హెచ్చరిస్తున్నారు.

సాంకేతిక విద్యలో దేశంలోనే పేరెన్నికగన్న ఐఐటిల్లో ఇకపై అమ్మాయిల భాగస్వామ్యం గణనీయంగా పెరగనుంది. ఇప్పటి వరకూ ఐఐటి ప్రవేశాల్లో అబ్బాయిల ఆధిక్యం కొనసాగుతోంది. ఐఐటిల్లో ముఖ్యంగా గ్రామీణ ప్రాంత యువతుల సంఖ్యను పెంచేందుకు ఇటీవల కేంద్ర మానవవనరుల మంత్రిత్వశాఖ ఓ కార్యాచరణ ప్రణాళిక ప్రారంభించింది.

సాంకేతికత ఎంతగా విజృంభిస్తోందో.. దాన్ని ఆధారంగా చేసుకొని నేరాలకు పాల్పడేవారి సంఖ్య కూడా అదే రీతిలో పెరుగుతోంది. గ్రామసీమల్లో సైతం నగదు రహిత లావాదేవీలు పెరగడంతో డెబిట్, క్రెడిట్ కార్డుల వినియోగం ఎక్కువవుతోంది. కంప్యూటర్లలో మనం నిక్షిప్తం చేసుకొనే సమాచారానికి రానురానూ భద్రత కరవవుతోంది.

పేరుకున్న చెత్తకుప్పలు, పాడైన రహదారులు, వెలగని వీధిదీపాలు, పనిచేయని నల్లాలు, పూడుకుపోయిన డ్రైనేజీ... ఇలాంటి సమస్యలతో అనునిత్యం ఇబ్బందిపడేవారిని చేతనైనంత మేర ఆదుకోవాలని ఆ విద్యార్థులు సంకల్పించారు. నగరాల్లో పౌరులు ఎదుర్కొంటున్న సమస్యలను సంబంధిత అధికారుల దృష్టికి తీసుకువెళ్లేందుకు వారు ఓ వినూత్న ‘యాప్’ను రూపొందించారు.