ఉప్పల్లో కూలిన విద్యుత్ స్తంభం
Published Monday, 26 September 2016ఉప్పల్, సెప్టెంబర్ 25: ఉప్పల్లో భారీ వర్షానికి ఆదివారం రాత్రి నడి రోడ్డుపై విద్యుత్ స్తంభం నేల కూలింది. మెరుపులతో కూడిన మంటలు రావడంతో స్థానికులు, వాహనదారులు పరుగులు తీశారు. సమాచారం అందుకున్న విద్యుత్ అధికారులు అప్రమత్తమై వెంటనే విద్యుత్ సరఫరా నిలిపివేయడంతో ఘోర ప్రమాదం తప్పింది. కేంద్రీయ విద్యాలయం వద్ద జరిగిన ఈ ఘటన చోటుచేసుకోవడంతో ట్రాఫిక్ స్తంభించిపోయింది. దీంతో వాహనదారులు తీవ్ర ఇబ్బందులెదుర్కొన్నారు. విద్యుత్ సరఫరా నిలిచిపోవడంతో ఉప్పల్ క్రాస్ రోడ్డు నుంచి హబ్సిగూడ వరకు అంధకారం నెలకొంది.