విజయవాడ, అక్టోబర్ 28: ప్రత్యేక ప్యాకేజీతో వచ్చే నిధులతో ఆంధ్రప్రదేశ్ అభివృద్ధి చెంది దేశంలోనే ఉన్నత స్థానానికి చేరుకుంటుందని కేంద్ర ఆర్థికమంత్రి అరుణ్‌జైట్లీ ఆకాంక్షించారు. బిజెపి రాష్ట్ర శాఖ ఆధ్వర్యంలో శుక్రవారం ఇక్కడ కేంద్రమంత్రి అరుణ్‌జైట్లీకి సన్మానం జరిగింది. కేంద్రం అందించిన ఆర్థిక సాయాన్ని గురించి రాష్ట్రంలోని ప్రతి కార్యకర్త గర్వంగా చెప్పుకోవాలన్నారు.

ఏలూరు, అక్టోబర్ 28 : పశ్చిమగోదావరి జిల్లా ఎస్‌పి కార్యాలయం ప్రాంగణంలోని ఆయుధ మరమ్మతు కేంద్రంలో శుక్రవారం ఒక రైఫిల్ మిస్‌ఫైర్ కావడంతో ఒక కానిస్టేబుల్ గాయపడ్డాడు. వివరాలిలా వున్నాయి. జిల్లా పోలీసు కార్యాలయం ప్రాంగణంలోనే ఆయుధ మరమ్మతు కేంద్రం వుంది. శనివారం జిల్లాలో ఫైరింగ్ రేంజ్ కార్యక్రమం జరగనున్న నేపధ్యంలో శుక్రవారం ఈ కేంద్రంలో ఆయుధాల పరిశీలన, మరమ్మతులు చేపట్టారు.

అమరావతి, అక్టోబర్ 28: కోర్ క్యాపిటల్‌లో ప్రభుత్వ భవనాల శంకుస్థాపనకు వచ్చిన కేంద్ర ఆర్థిక మంత్రి జైట్లీ ప్రధాని నరేంద్రమోదీని తలపించారు. కీలకమైన రెండు అంశాలపై స్పష్టమైన హామీ ఇవ్వకుండా, జాతీయ విద్యాసంస్థలు, పరిశ్రమలు, జాతీయ రహదారుల విస్తరణకే పరిమితమవడం చర్చనీయాంశమయింది. జైట్లీ పర్యటనపై వివిధ వర్గాల్లో మిశ్రమ స్పందన వ్యక్తమవుతోంది.

విశాఖపట్నం, అక్టోబర్ 28: పశ్చిమ మధ్య బంగాళాఖాతంలో ఏర్పడిన కయాంత్ తుపాను శుక్రవారం నాటికి మరింత బలహీనపడి దక్షిణ కోస్తాను ఆనుకుని అల్పపీడనంగా స్థిరంగా కొనసాగుతోందని విశాఖ తుపాను హెచ్చరికల కేంద్రం అధికారులు తెలిపారు. దీని ప్రభావంతో కోస్తాంధ్రలో చెదురు,మదురు వర్షాలు కురిసే అవకాశం ఉందని పేర్కొన్నారు. అయితే అల్పపీడన ప్రభావంతో తీరం వెంబడి బలమైన గాలులు వీసే అవకాశం ఉందని తెలిపారు.