మార్కాపురం, అక్టోబర్ 27: ఎఓబిలో జరిగిన సంఘటనతో కొంతకాలం నల్లమల అటవీప్రాంతంలో మావోయిస్టులు తలదాచుకునే అవకాశం ఉందని భావిస్తున్న తరుణంలో మావోయిస్టులు ఉన్నా లేకున్నా నల్లమల అటవీ ప్రాంతంలో నిత్యం కూంబింగ్ నిర్వహిస్తున్నామని మార్కాపురం ఓఎస్‌డి కల్యాణలక్ష్మీ తెలిపారు.

విజయవాడ, అక్టోబర్ 27: నీటి లభ్యత ఆధారంగానే పంటల సాగు చేపట్టాలని, జలవనరుల, వ్యవసాయ శాఖాధికారులు జిల్లా వ్యాప్తంగా క్షేత్ర స్థాయిలో పర్యటించి రైతులకు అవగాహన కల్పించాలని రాష్ట్ర మంత్రులు దేవినేని ఉమామహేశ్వరరావు, ప్రత్తిపాటి పుల్లారావు ఆదేశించారు. పంటల వేయని భూములకు సంబంధించిన వివరాలు తెలియచేస్తూ గ్రామాల వారీగా నివేదికలు అందచేయాలని ఆదేశించారు.

రాజమహేంద్రవరం, అక్టోబర్ 27: ఒకసారి ఉప్పొంగి గలగల పారుతూ వేల టిఎంసిల వరద జలాలు సముద్రంలో కలిసిపోయే గోదావరి నది మరోసారి కనీసం పంట పండించడానికి కూడా సరిపోనంతగా ఎండిపోయి రైతుకు కంటనీరు తెప్పిస్తుంది. రాష్ట్రానికే జీవధార అయిన గోదావరి నది నుండి గత పదిహేనేళ్లలో సుమారు 4.5 లక్షల టిఎంసిల నీరు వృథాగా సముద్రంలో కలిసిపోయాయి. ఈ ఏడాదే ఇప్పటివరకు 2833 టిఎంసిల నీరు సముద్రంలో కలిసింది.

నార్పల, అక్టోబర్ 27: జీవసమాధికి సిద్ధమైనట్లు ఓ అవధూత చేసిన ప్రకటన అనంతపురం జిల్లాలో కలకలం రేపింది. గురువారం 4 గంటలకు తాను జీవసమాధి అవుతున్నట్లు నార్పల మండలం కురగానిపల్లి గ్రామానికి చెందిన అవధూత నర్సిరెడ్డి(92) ప్రకటించారు. దీంతో ఆయన కుటుంబసభ్యులు, బంధువులు, శిష్యులు పెద్దసంఖ్యలో తరలివచ్చారు. నర్శిరెడ్డి గ్రామంలో పెద్ద మోతుబరి. 1973 సంవత్సరం నుండి ఆయన ఆధ్యాత్మికత వైపు మళ్లాడు.