కర్నూలు, అక్టోబర్ 24 : రాష్ట్రంలో ఎక్కడా లేని విధంగా మార్కెట్ యార్డులకు వచ్చే రైతులకు రూ. 10కే కడుపు నిండా భోజనం పెట్టే కార్యక్రమం తొలిసారిగా కర్నూలులో సోమవారం ప్రారంభమైంది. కర్నూలుతో పాటు ఆదోని, నంద్యాల మార్కెట్ యార్డులలో భోజన వసతి కల్పించడానికి రంగం సిద్ధమైంది. రైతులకు అందించే భోజనం ఖర్చులో మార్కెట్ యార్డు రూ. 15, ఆధ్యాత్మిక సంస్థ ఇస్కాన్ రూ. 11, రైతు రూ. 10 భరించనున్నారు.

రాజమహేంద్రవరం, అక్టోబర్ 24: తూర్పు గోదావరి జిల్లా మన్యంలో ఇంకా మృత్యుఘోష విన్పిస్తూనే వుంది. ఏజెన్సీ ముంపు మండలాల్లోని గిరిజనులు కాళ్ల వాపు వ్యాధితో భయం గుప్పిట బిక్కుబిక్కుమంటున్నారు. ముంపు మండలాల్లో ఈ వ్యాధి విస్తరిస్తోంది. ఇప్పటివరకు ఈ వ్యాధితో పదిమంది మృత్యువాత పడ్డారు. పదుల సంఖ్యలో చికిత్స పొందుతున్నారు. గత ఆగస్టు మాసంలో ఈ వ్యాధి వి ఆర్ పురం మండలం అన్నవరం గ్రామంలో వెలుగుచూసింది.

విజయవాడ, అక్టోబర్ 23: ప్రస్తుత విద్యా సంవత్సరానికి సంబంధించి ఇంటర్ ప్రాక్టికల్ పరీక్షలు జంబ్లింగ్‌గా విధానం అమలవుతుందా లేదా అనే అనుమానాలు సర్వత్రా వ్యక్తమవుతున్నాయి. అయితే ఇంటర్మీడియట్ బోర్డు మాత్రం ఈ ఏడాది నుంచి జంబ్లింగ్‌లోనే పరీక్షలు నిర్వహిస్తామంటూ కంట్రోలర్ ఆఫ్ ఎగ్జామినేషన్స్ పేరిట ఇటీవలే జిల్లా ప్రాంతీయ ఇంటర్ బోర్డు కార్యాలయాల నుంచి ఉత్తర్వులు చేరాయి.

తిరుపతి, అక్టోబర్ 23: ప్రజలను తప్పుదారి పట్టించే అసత్య ప్రచార రథసారధులు వైకాపా నేతలు బొత్స సత్యనారాయణ, అంబటి రాంబాబులని ఉప ముఖ్యమంత్రి ఎన్ చినరాజప్ప విమర్శించారు. ఆదివారం తిరుపతిలోని తారకరామా స్టేడియంలో జరిగిన మారథాన్-2016 కార్యక్రమంలో విజేతలైన వారికి బహుమతులు అందజేసే కార్యక్రమంలో ఆయన పాల్గొన్నారు.