విజయవాడ, అక్టోబర్ 23: ఆక్వా రంగం, భారత ఆర్థిక వ్యవస్థను గూప్పవరంగా మారబోతున్నది. 8,129 కి.మీ సుదీర్ఘమైన తీరప్రాంతం గల భారతదేశంలో దాదాపు 31 లక్షల టన్నుల సముద్ర ఉత్పత్తులను వినియోగించుకునే పరిస్థితి ఉంది. అన్నింటకంటే విశేషం ఏమిటంటే మెరైన్ ఉత్పత్తుల్లో దేశంలోకెల్లా అత్యున్నత స్థానంలో ఆంధ్రప్రదేశ్ రాష్ట్రం ఉంది. అయితే ఆక్వా ప్రాసెసింగ్ పరిశ్రమల పట్ల ప్రజల్లో మిశ్రమ స్పందన కనిపిస్తోంది.

ఉండి, అక్టోబర్ 23: రాష్ట్రంలో నూతన సాంకేతిక పరిజ్ఞానంతో మోడల్ పొలీస్ స్టేషన్లు నిర్మిస్తున్నట్టు రాష్ట్ర ఉప ముఖ్యమంత్రి, హోమంత్రి నిమ్మకాయల చినరాజప్ప వెల్లడించారు. ఆదివారం పశ్చిమగోదావరి జిల్లా ఉండిలో ఆయన విలేఖరులతో మాట్లాడారు. ఒక్కొక్క స్టేషన్ నిర్మాణానికి రూ.2 నుండి మూడు కోట్లు ఖర్చు చేయనున్నట్టు చెప్పారు. అవసరమైన మేరకు నిధులు లభ్యతను బట్టి అధిక సంఖ్యలోనే నిర్మాణాలు చేపబడతామని వివరించారు.

విశాఖపట్నం, అక్టోబర్ 23: తూర్పు మధ్య బంగాళాఖాతంలో ఏర్పడిన తీవ్ర వాయుగుండం స్థిరంగా కొనసాగుతోందని విశాఖ తుపాను హెచ్చరికల కేంద్రం అధికారులు ఆదివారం రాత్రి తెలిపారు. ప్రస్తుతం ఇది పోర్టు బ్లెయిర్‌కి తూర్పు దిశగా 420 కిలోమీటర్ల వద్ద కేంద్రీకృతమై ఉందని, తీవ్ర వాయుగుండం మరో 24 గంటల్లో తుపాను బలపడే అవకాశం ఉందని పేర్కొన్నారు. ప్రస్తుతం ఇది మయన్మార్ తీరం వైపు నెమ్మదిగా కదులుతోందని తెలిపారు.

కాకినాడ, అక్టోబర్ 22: పాఠశాలల్లో అసాంఘిక కార్యకలాపాలకు పాల్పడే వారిపై పిడి యాక్టు ప్రయోగించి, జైలుకు పంపుతామని ముఖ్యమంత్రి ఎన్ చంద్రబాబునాయుడు హెచ్చరించారు. పాఠశాలలు దేవాలయాల కంటే పవిత్రమైనవని, ఏ గ్రామంలోనైనా దేవాలయం లేకపోయినా ఫర్వాలేదు కాని, పాఠశాల తప్పనిసరిగా ఉండాలని, వాటిని పవిత్రంగా కాపాడుకోవాలని హితవు పలికారు.