విశాఖపట్నం: విశాఖ మన్యంలో మావోల దుశ్చర్యపై దర్యాప్తు ముమ్మరంగా జరుగుతుంది. ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివేరి సోమ హత్యపై పోలీసులు దర్యాప్తు ముమ్మరం చేశారు. విటిపుట్టు గ్రామానికి చెందిన దాదాపు 30 మంది గిరిజనులను పోలీసులు అదుపులోనికి తీసుకుని వివిధ కోణాల్లో దర్యాప్తు ముమ్మరం చేశారు. అయితే అదుపులోనికి తీసుకున్న గిరిజనుల నుంచి పోలీసులు ఎలాంటి సమాచారాన్ని రాబట్టలేకపోయారు.

రాజమహేంద్రవరం, సెప్టెంబర్ 25: పోలవరం ప్రాజెక్టు నిర్మాణ పనులపై ఎన్నో తప్పిదాలను ఎత్తిచూపిన కాగ్ నివేదికను బేఖాతరు చేయడం తగదని, వాస్తవానికి కాగ్ నివేదికపై అసెంబ్లీలో చర్చించాలని మాజీ ఎంపీ ఉండవల్లి అరుణ్‌కుమార్ అన్నారు. పోలవరం ప్రాజెక్టు నిర్మాణంలో నిర్లక్ష్యంగా వ్యవహరిస్తే ఊళ్లకు ఊళ్లు కొట్టుకుపోతాయని గుర్తుంచుకోవాలన్నారు.

ఒంగోలు,సెప్టెంబర్ 25: ఏఐసీసీ మాజీ అధ్యక్షురాలు సోనియాగాంధీ అల్లుడు రాబర్ట్‌వాద్రాకు యుద్ధవిమానాల కాంట్రాక్టు ఇవ్వకపోవటం వలనే రాఫెల్ డీల్‌లో కుంభకోణం జరిగిందని కాంగ్రెస్‌పార్టీలేనిపోని ఆరోపణలు చేస్తోందని బీజేపీ రాష్ట్రఅధ్యక్షుడు కన్నా లక్ష్మీ నారాయణ తీవ్ర స్ధాయిలో విమర్శించారు.

విశాఖపట్నం: పోలీసుల వైఫల్యం వల్లే విశాఖపట్నంలో మావోయిస్టుల హత్యాకాండ జరిగిందని మందకృష్ణ మాదిగ అన్నారు. ఆయన విలేకరులతో మాట్లాడుతూ పోలీసుల తీరుపై మండిపడ్డారు. ప్రజాప్రతినిధులు హత్యకు గురైన తరువాత వారి మృతదేహాలను బంధువులే తెచ్చుకున్నారు తప్పా పోలీసులు తీసుకురాలేదని అన్నారు.