అమరావతి: దేశంలో ఎక్కడా లేని అభివృద్ధి ఏపీలో జరుగుతుందని ముఖ్యమంత్రి చంద్రబాబునాయుడు అన్నారు. ఆయన గురువారంనాడు వీడియో కాన్ఫరెన్సు నిర్వహించారు. ఈ సందర్భంగా ఆయన మాట్లాడుతూ.. ఇబ్బందులన్నింటినీ అధిగమించి ప్రజల మద్దతుతో ఫలితాలు సాధించామని అన్నారు. సాంకేతికతను వినియోగించుకుంటే మంచి ఫలితాలను సాధించవచ్చని అన్నారు.

తిరుమల: తిరుమల బ్రహ్మోత్సవాల్లో భాగంగా శ్రీవారి రథోత్సవం అంగరంగ వైభవంగా జరిగింది. శ్రీదేవి, భూదేవి సమేత మలయప్పస్వామి వారు విశేషాలంకరణతో ఆశీనులయ్యారు. భక్తులు గోవింద నామ స్మరణ చేస్తూ రథాన్ని లాగగా.. తిరువీథుల్లో కన్నులపండువగా రథోత్సవం జరిగింది.

విజయవాడ, సెప్టెంబర్ 19: కాంట్రిబ్యూటరీ పింఛను స్కీమ్ (సీపీఎస్)ను అన్ని కోణాల్లో పరిశీలించేందుకు వీలుగా నిపుణులతో కమిటీని నియమించనున్నట్లు రాష్ట్ర ఆర్థిక శాఖ మంత్రి యనమల రామకృష్ణుడు ప్రకటించారు. సీపీఎస్‌పై ప్రభుత్వం తన వైఖరి ప్రకటించాలని పీడీఎఫ్ ఎమ్మెల్సీలు పట్టుబట్టినప్పటికీ, తన వైఖరి చెప్పకుండా, నిపుణులతో వివిధ కోణాల్లో పరిశీలించేందుకు రాష్ట్ర ప్రభుత్వం నిర్ణయించింది.

కాకినాడ, సెప్టెంబర్ 19: రాష్ట్రంలో భారతీయ జనతా పార్టీని మరింత బలోపేతం చేయడానికి అక్టోబర్ నుంచి ఇంటింటికీ బీజేపీ కార్యక్రమాన్ని చేపట్టనున్నట్టు ఏపీ బీజేపీ అధ్యక్షుడు కన్నా లక్ష్మీనారాయణ చెప్పారు. తూర్పు గోదావరి జిల్లా కేంద్రం కాకినాడ నగరంలో బుధవారం జరిగిన బీజేపీ కిసాన్ మోర్చా రాష్ట్ర సమావేశంలో కన్నా ముఖ్య అతిథిగా పాల్గొన్నారు.