అమరావతి, సెప్టెంబర్ 19: రాజధానిలో నెలకొల్పిన విద్యాసంస్థలు వివిధ ప్రభుత్వ శాఖలతో సమన్వయం చేసుకుని పరస్పర విజ్ఞాన సమాచార మార్పిడికి ప్రయత్నించాలని ముఖ్యమంత్రి చంద్రబాబునాయుడు సూచించారు. జాతీయ, అంతర్జాతీయ విద్యాసంస్థలు అమరావతిలో కొలువుదీరటం గర్వకారణమని, తరగతి గదుల్లో బోధిస్తున్న విజ్ఞానాన్ని క్షేత్ర స్థాయిలో పరిచయంచేసి ఫలితాలు సాధించినప్పుడే ఆశించిన ప్రయోజనం నెరవేరుతుందని వివరించారు.

అమరావతి, సెప్టెంబర్ 19: సింహాచలం పరిధిలోని పంచ గ్రామాల భూముల సమస్యను పరిష్కరించేందుకు ప్రభుత్వం చర్యలు ప్రారంభించింది. ప్రస్తుతం గ్రామాల్లో ఉన్న వాస్తవిక పరిస్థితులు, ఎంత భూమి రైతుల అధీనంలో ఉంది.. సమస్య పరిష్కారానికి ఉన్న మార్గాలకు సంబంధించి నివేదిక ఇవ్వాలని జిల్లా కలెక్టర్‌ను ఉప ముఖ్యమంత్రి కేఈ కృష్ణమూర్తి ఆదేశించారు.

అమరావతి, సెప్టెంబర్ 19: వచ్చే ఎన్నికల్లో ప్రతి సీటు ప్రధానమే.. అన్ని నియోజకవర్గాల్గో గెలవాలని ముఖ్యమంత్రి చంద్రబాబునాయుడు టీడీపీ శ్రేణులకు దిశానిర్దేశం చేశారు. శాసనసభ సమావేశాల అనంతరం బుధవారం అసెంబ్లీ ఆవరణలోని టీడీఎల్పీ కార్యాలయంలో లెజిస్లేచర్ పార్టీ సమావేశం నిర్వహించారు. ఈ సందర్భంగా ముఖ్యమంత్రి మాట్లాడుతూ ప్రతి సీటులో గెలుపు సవాల్‌గా తీసుకోవాలన్నారు.

గుంటూరు, సెప్టెంబర్ 19: వైఎస్‌ఆర్ కాంగ్రెస్ పార్టీ ఎమ్మెల్యేలు అసెంబ్లీని బహిష్కరించడమంటే ప్రజా సమస్యలను విస్మరించడమేనని శాసనమండలి చీఫ్ విప్ డొక్కా మాణిక్య వరప్రసాద్ పేర్కొన్నారు. బుధవారం గుంటూరులోని తన క్యాంపు కార్యాలయంలో ఏర్పాటుచేసిన విలేఖర్ల సమావేశంలో ఆయన మాట్లాడుతూ ప్రస్తుత అసెంబ్లీ సమావేశాల్లో అనేక సమస్యలపై చర్చ జరుగుతోందని, ప్రతిపక్ష నేత, విపక్ష ఎమ్మెల్యేలు లేకపోవడం బాధాకరమన్నారు.