విజయవాడ, సెప్టెంబర్ 8: రాష్ట్రంలో వివిధ ప్రభుత్వ శాఖలలో సీపీఎస్ పరిధిలో పని చేస్తున్న లక్షా, 84 వేల మంది ఉద్యోగ, ఉపాధ్యాయ, కార్మికుల ఆవేదనను ఆలస్యంగానైనా గుర్తించిన రాష్ట్ర ప్రభుత్వం కంట్రిబ్యూటరీ పెన్షన్ విధానాన్ని పరిష్కరించే దిశగా త్వరలో ఓ అధ్యయన కమిటీ ఏర్పాటు చేయబోతున్నదని శాసన మండలిలో పీఆర్‌టీయు ఫ్రంట్ ఫ్లోర్‌లీడర్ డాక్టర్ గాదె శ్రీనివాసులు నాయుడు తెలిపారు.

అనంతపురం కల్చరల్, సెప్టెంబర్ 8: ఇస్కాన్ ఆధ్వర్యంలో అనంతపురం నగరంలో శనివారం శ్రీ జగన్నాథ రథయాత్ర నిర్వహించారు. ఇస్కాన్ 10వ వార్షికోత్సవం సందర్భంగా నిర్వహించిన ఈ రథయాత్రలో భక్తులు పెద్దసంఖ్యలో పాల్గొన్నారు. రకరకాల పుష్పాలతో అలంకరించిన రథంపై శ్రీ జగన్నాథుడు, సుభద్ర, బలభద్రుల విగ్రహాలను ఆశీనులను జేయించి ప్రత్యేక పూజలు నిర్వహించారు.

విజయవాడ(సిటీ), సెప్టెంబర్ 8: గతంలో కాంగ్రెస్‌ను దెయ్యంగా అభివర్ణించిన చంద్రబాబుకు నేడు ఆ పార్టీ దేవతలా కనిపిస్తోందా అని వైఎస్‌ఆర్ కాంగ్రెస్ పార్టీ సీనియర్ నేత, మాజీ మంత్రి పెద్దిరెడ్డి రామచంద్రారెడ్డి ప్రశ్నించారు. రాష్ట్ర విభజన పరిస్థితులో కాంగ్రెస్ పార్టీని పాతరేయాలని పిలుపు ఇచ్చిన బాబు మాత్రం నేడు తన రాజకీయ లబ్ధి కోసం అదే పార్టీని కౌగిలించుకునేందుకు సిద్ధపడుతున్నారని విమర్శించారు.

అమరావతి, సెప్టెంబర్ 8: రాష్ట్రంలోని వివిధ జిల్లాల్లో ప్రబలుతున్న అంటువ్యాధుల పట్ల ముఖ్యమంత్రి చంద్రబాబునాయుడు తీవ్ర ఆగ్రహం వ్యక్తం చేశారు. శనివారం ఉండవల్లిలోని తన నివాసం నుంచి జిల్లా అధికారులు, కలెక్టర్లు, మునిసిపల్ కమిషనర్లు, ఎమ్మెల్యేలు, ఇతర ఉన్నతాధికారులతో టెలీకాన్ఫరెన్స్‌తో పాటు రియల్‌టైం ద్వారా నేరుగా ఆయా జిల్లాల ప్రజలతో పారిశుద్ధ్య నిర్వహణపై ఆరా తీశారు.