రంపచోడవరం: తూర్పుగోదావరి జిల్లా రంపచోడవరం ఏజెన్సీ ప్రాంతంలోని శుక్రవారం అర్థరాత్రి దేవరాతిగూడెం సమీపంలో ఉన్న ఏ1 రిసార్ట్స్‌లో రేవ్ పార్టీ జరుగుతున్నట్లు పోలీసులకు సమాచారం అందటంతో దాడి చేశారు. ఈ దాడిలో విజయవాడకు చెందిన ఇరవై మంది అబ్బాయిలను, విశాఖపట్నంనకు చెందిన ఎనిమిది మంది అమ్మాయిలను అదుపులోకి తీసుకున్నారు. రిసార్ట్స్ నిర్వహకుడు మహర్షి అలియాస్ బాబ్జీని పోలీసులు అరెస్టు చేశారు.

విజయవాడ, సెప్టెంబర్ 7: రాష్ట్రంలో ఉపాధి పనుల్లో సామాజిక ఆడిట్ ప్రారంభమైనప్పటి నుంచి ఇప్పటి వరకూ 7.42 కోట్ల రూపాయల మేర నిధులు దుర్వినియోగమయ్యాయని రాష్ట్ర పంచాయతీరాజ్ శాఖ మంత్రి లోకేష్ వెల్లడించారు. రాష్ట్ర శాసన మండలిలో శుక్రవారం ప్రశ్నోత్తరాల సమయంలో ఉపాధి పనుల్లో అవినీతి కార్యకలాపాలపై తీసుకున్న చర్యల గురించి ఎమ్మెల్సీ శమంతకమణి ప్రశ్నకు ఆయన బదులిచ్చారు.

అయినవిల్లి, సెప్టెంబర్ 7: భారత ప్రజలందరికీ ఆరాధ్యుడైన బీఆర్ అంబేద్కర్ రచించిన రాజ్యాంగాన్ని తిరగరాస్తామని కేంద్రంలోని బీజేపీ ప్రభుత్వం ప్రకటించడం అత్యంత దుర్మార్గమని రాష్ట్ర ఎస్సీ, ఎస్టీ కమిషన్ ఛైర్మన్ కారెం శివాజీ ఆగ్రహం వ్యక్తంచేశారు. దేశ రాజధాని ఢిల్లీ నడిబొడ్డున మతాన్మోదులు భారత రాజ్యాంగాన్ని తగలబెట్టి, 120కోట్ల ప్రజల ఆత్మాభిమానాన్ని దెబ్బతీశారన్నారు.

విజయవాడ, సెప్టెంబర్ 7: ఈ నెల 15వ తేదీ నుంచి భారతీయ జనతా పార్టీ రాష్ట్ర అధ్యక్షులు కన్నా లక్ష్మీనారాయణ రాష్ట్ర వ్యాప్త పర్యటనకు శ్రీకారం చుట్టనున్నారు. గుంటూరులో జరిగిన రాష్ట్ర కోర్ కమిటీ సమావేశంలో తీసుకున్న నిర్ణయాలను రాష్ట్ర కార్యదర్శి పీసీ సత్యమూర్తి శుక్రవారం విలేఖరుల సమావేశంలో వెల్లడించారు.