విజయవాడ, సెప్టెంబర్ 5: ప్రజలు తమ ప్రాంతాల్లోని పారిశుద్ధ్య నిర్వహణా లోపాలకు సంబంధించి ఫోటోలు పంపితే, పరిష్కరించేలా చర్యలు తీసుకుంటామని రియల్ టైమ్ గవర్నెన్సు సంస్థ విజ్ఞప్తి చేస్తోంది. అపారిశుద్ధ్యానికి సంబంధించి ఫోటోలను పీపుల్ ఫస్ట్, ఖైజాలా, ఎన్‌సీబీఎన్ యాప్‌లకు పంపితే, అవి పరిష్కారమయ్యేలా చర్యలు తీసుకోనుంది.

పాడేరు, సెప్టెంబర్ 5: విశాఖ మన్యంలో బాక్సైట్‌పై అధికార టీడీపీ, ప్రతిపక్ష వైసీపీ పార్టీలతో ఎటువంటి రక్షణ లేదని సీపీఎం రాష్ట్ర కార్యదర్శి పి.మధు ఆరోపించారు. బుధవారం ఏర్పాటు చేసిన విలేఖరుల సమావేశంలో ఆయన మాట్లాడుతూ బాక్సైట్ తవ్వకాలకు టీడీపీ, వైసీపీ ఎప్పుడూ అనుకూలమేనన్నారు. బాక్సైట్ తవ్వకాలకు ఒప్పందాన్ని కుదుర్చుకున్న అన్‌రాక్ కంపెనీకి ఈ రెండు పార్టీలు మద్దతిస్తున్నాయని ఆరోపించారు.

మచిలీపట్నం, సెప్టెంబర్ 5: సంకల్పబలంతో ముందుకు సాగుతున్న ముఖ్యమంత్రి నారా చంద్రబాబునాయుడికి అన్ని వర్గాల ప్రజలు సహాయ సహకారాలు అందించాలని రాష్ట్ర ఉప ముఖ్యమంత్రి, హోం శాఖ మంత్రి నిమ్మకాయల చినరాజప్ప విజ్ఞప్తి చేశారు. విభజనతో ఆర్థికంగా నష్టపోయిన రాష్ట్రాన్ని పారిశ్రామికంగా అభివృద్ధిపర్చాలన్న లక్ష్యంతో ముఖ్యమంత్రి రాష్ట్రంలో పోర్టులు, ఎయిర్‌పోర్టుల అభివృద్ధికి అత్యధిక ప్రాధాన్యత ఇస్తున్నారన్నారు.

అనంతపురం, సెప్టెంబర్ 5: రాష్ట్రంలో శాంతిభద్రతలు నశిస్తున్నాయని అనంతపురం ఎంపీ జేసీ దివాకర్‌రెడ్డి అన్నారు. నేరస్తులు, నిందితులకు పోలీసుస్టేషన్లలో కుర్చీలు వేసి కూర్చోబెట్టి మర్యాద చేస్తున్నారన్నారు. అనంతపురంలో బుధవారం ఆయన విలేఖరులతో మాట్లాడుతూ కర్నూలు జిల్లా ఆలూరులో ఓ ఎస్‌ఐపై దాడి జరిగితే ఫిర్యాదు చేయలేని దౌర్భాగ్యస్థితి నెలకొందన్నారు. పోలీసులకు వెనె్నముక లేదని, ఫ్రెండ్లీ పోలీసింగ్ అంటే ఇదేనా..