అమరావతి, సెప్టెంబర్ 5: శాసనసభ, మండలిలో సభ్యులడిగే ప్రశ్నలన్నింటికీ సమాధానాలివ్వాల్సిందే అని మండలి చైర్మన్ ఎండి ఫరూక్, శాసనసభ స్పీకర్ కోడెల శివప్రసాదరావు స్పష్టం చేశారు. గురువారం నుంచి జరిగే సమావేశాల నిర్వహణపై బుధవారం స్పీకర్ ఛాంబర్‌లో అధికారుల సమావేశం నిర్వహించారు. వివిధ ప్రభుత్వ శాఖల ప్రత్యేక, ముఖ్య కార్యదర్శులు సమావేశానికి హాజరయ్యారు.

విజయవాడ, సెప్టెంబర్ 5: రాజ్యాంగ పదవిలో ఉన్న శాసన సభ స్పీకర్ డాక్టర్ కోడెల శివప్రసాదరావు ద్వారా రాష్ట్ర ప్రభుత్వం అసత్యాలు, తప్పుడు గణాంకాలతో తమకు అనుకూలంగా ప్రచారం చేయించుకుంటున్నదని కాంగ్రెస్ పార్టీకి చెందిన రాజ్యసభ సభ్యుడు డాక్టర్ కేవీపీ రామచంద్రరావు ఆరోపించారు. దీని వల్ల ఉన్నతమైన స్పీకర్ పదవికే కళంకం ఏర్పడే అవకాశం ఉన్నదన్నారు.

విజయవాడ, సెప్టెంబర్ 5: రాజధాని అమరావతి పరిధిలో జరిగే అభివృద్ధి పనులను వచ్చే ఏడాది మార్చి నాటికి పూర్తి చేస్తామని రాష్ట్ర పురపాలక శాఖ మంత్రి నారాయణ స్పష్టం చేశారు. రాజధాని పరిధిలో జరుగుతున్న రోడ్లు, భవనాల పనులను బుధవారం మంత్రి పరిశీలించారు. వెంకటాయపాలెం సీడ్ యాక్సెస్ రోడ్డు నుంచి పర్యటన ప్రారంభించారు. ఎమ్మెల్యేలు, ఎమ్మెల్సీలు, ఐఎఎస్ అధికారుల గృహ సముదాయాల నిర్మాణాన్ని పరిశీలించారు.

విజయవాడ(సిటి), సెప్టెంబర్ 5: వయస్సులేదు...అనుభవం లేదు...ఆలోచన లేదు..ప్రజలకు మేలు చేయాలనే తపన లేదు..సలహాలు వినే నైజం లేదు..కేవలం నీ సహ నిందితుల సలహాలతోనే ముందుకు సాగాలన్న నీ అలోచన భరించలేకనే వైకాపాను వీడామని వైఎస్‌ఆర్ కాంగ్రెస్ పార్టీ నుండి తెలుగుదేశం పార్టీలోకి చేరిన ఎమ్మెల్యేలు పేర్కొన్నారు.