న్యూఢిల్లీ, ఫిబ్రవరి 6: కేబుల్ సర్వీసుల సేవలు మరింత ప్రియమవుతాయని క్రిసిల్ రిపోర్టును ట్రాయ్ తప్పుబట్టింది. ఈ నివేదికలో నిజం లేదని ట్రాయ్ చైర్మన్ ఆర్‌ఎస్ శర్మ చెప్పారు. కొత్త టారిఫ్ వల్ల మార్కెట్‌లోకి కొత్త శక్తులు వస్తాయని, దీని వల్ల టారిఫ్ రానున్న రోజుల్లో తగ్గుతుందన్నారు.

ముంబయి, ఫిబ్రవరి 6: దేశీయ స్టాక్ మార్కెట్లు బుధవారం బలపడ్డాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ 358 పాయింట్లకు పైగా పెరగగా, నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ తిరిగి కీలకమయిన 11,000 పాయింట్ల స్థాయికి పైన ముగిసింది. రిజర్వ్ బ్యాంక్ (ఆర్‌బీఐ) తన విధాన వైఖరిని తటస్థానికి మార్చుకుంటుందనే అంచనాల కారణంగా మదుపరులు ఉత్సాహంతో కొనుగోళ్లకు పూనుకోవడం వల్ల కీలక సూచీలు పుంజుకున్నాయి.

ముంబయి, ఫిబ్రవరి 6: వరుసగా రెండు రోజుల నష్టాల పరంపర నుంచి భారత రూపాయి మంగళవారం కోలుకుంది. అమెరికన్ డాలర్‌తో 23పైసలు బలపడి రూపాయి విలువ 71.57 రూపాయలకు చేరింది. విదేశీ నిధులు పెద్దమొత్తంలో పెట్టుబడులుగా రావడంతోబాటు, దేశీయ మార్కెట్లు లాభాలతో ముగియడం రూపాయి బలోపేతానికి దోహదం చేసిందని విశే్లషకులు భావిస్తున్నారు. ఆర్బీఐ ఎంపీసీ సమీక్షా సమావేశంతో మదుపర్లు ఆచితూచి వ్యవహరిస్తున్నారు.

కోచ్చి: కస్టమర్ల బ్యాంకు ఖాతాల నుంచి జరిగే అనధికారిక విత్‌డ్రాలకు తమది బాధ్యత కాదని బ్యాంకులు తప్పించుకునే ప్రయత్నం చేయకూడదని కేరళ హైకోర్టు బుధవారం ఆదేశించింది. ఖాతాదార్లు ఎస్‌ఎంఎస్ అలర్టులతో స్పం దించలేకపోయినా వారి ఖాతాల నుంచి అ నధికారికంగా సొమ్ము విత్‌డ్రా జరిగితే బ్యాంకులు బాధ్యత వహించాల్సిందేనని న్యాయమూర్తి జస్టిస్ పీబీ సురేష్ కుమార్ స్పష్టం చేశారు.