న్యూఢిల్లీ, ఫిబ్రవరి 11: ప్రభుత్వ రంగ బ్యాంకులు (పీఎస్‌బీ)ల రెండు భారీ విలీనాల తర్వాత, కొంతకాలం విరామం ఇవ్వాలని కేంద్రం ఒక నిర్ణయానికి వచ్చినట్టు తెలుస్తోంది. దేనా బ్యాంక్, విజయా బ్యాంక్‌లను బ్యాంక్ ఆఫ్ బరోడా (బీఓబీ)లో విలీనానికి గత నెల కేంద్ర కేబినెట్ ఆమోద ముద్ర వేసింది. దీనితో దేశంలో మూడో అతి పెద్ద బ్యాంక్‌గా బీఓబీ అవతరించింది.

రేణిగుంట: ఆంధ్రప్రదేశ్ రాష్ట్రం ఎలక్ట్రానిక్ హబ్‌గా మారుతోందని, రూ. 1444 కోట్ల పెట్టుబడితో 7088 మందికి ఉద్యోగ అవకాశాలు లభిస్తాయని మంత్రులు నారా లోకేష్, ఎన్.అమరనాథ్‌రెడ్డి వెల్లడించారు. ఆదివారం రేణిగుంట విమానాశ్రయం సమీపంలో ఈఎంసీ 1లో 10 ఎలక్ట్రానిక్స్ తయారీ కంపెనీల ఏర్పాటుకు మంత్రులు భూమిపూజ చేసి, శిలాఫలకాలను ఆవిష్కరించారు. అనంతరం ఈఎంసీ 1లో రూ.

గ్రేటర్ నోయిడా, ఫిబ్రవరి 10: చమురు, సహజవాయులు, కోల్‌బెడ్ మీథేన్ (సీబీఎం)లకు చెందిన 23 బ్లాక్‌లకు ఓపెన్ ఆక్రియేజ్ లైసెన్సింగ్ విధానం ద్వారా మూడో దశ టెండర్లను కేంద్ర ప్రభుత్వం ఆదివారం ఆహ్వానించింది. తద్వారా సుమారు 700 మిలియన్ డాలర్ల పెట్టుబడులు సమీకరించాలని అంచనావేస్తోంది. ఈ నిధులను దేశీయంగా ఉత్పత్తులు పెంచేందుకు వినియోగించాలని ప్రభుత్వం నిర్ణయించింది.

గ్రేటర్ నోయిడా(యూపీ), ఫిబ్రవరి 10: సహజవాయుల ఉత్పత్తిలో చతికిలపడిన ప్రభుత్వ రంగ అనుబంధ సంస్థలు (పీఎస్‌యూ)లకు ప్రత్యేక రాయితీలను ఇచ్చేందుకు కేంద్ర ప్రభుత్వం ప్రణాళికలు సిద్ధం చేస్తోంది. తద్వారా ప్రభుత్వ నిర్వహణలోని ఓఎన్‌జీసీ, ఆయిల్ ఇండియా లిమిటెడ్ (ఆయిల్)కు చెందిన డజను చమురు శుద్ధి కర్మాగారాల్లో సహజవాయు ఉత్పత్తికి సంబంధించిన ప్రతిబంధకాలను తొలగించి ఉత్పత్తిని పెంచాలన్నది ప్రభుత్వ యోచన.