హైదరాబాద్, ఆగస్టు 6: రాష్ట్రంలో రెండు వేల కోట్ల రూపాయల పెట్టుబడి పెట్టేందుకు ఓరియంట్ సిమెంట్ కంపెనీ ముందుకు వచ్చింది. కంపెనీ విస్తరణ ద్వారా 4 వేల ఉద్యోగాలు, పరోక్షంగా మరో 4 వేల ఉద్యోగాలు లభిస్తాయని గ్రూపు చైర్మన్ సికె బిర్లా ప్రకటించారు.

న్యూఢిల్లీ, ఆగస్టు 6: పెప్సీ కంపెనీ సీఈఓ బాధ్యతల నుంచి ఇంద్రా నూయి వైదొలగనున్నారు. సుమారు 12 సంవత్సరాలు కంపెనీకి విశిష్ట సేవలు అందించిన ఆమె ఈ ఏడాది అక్టోబర్ 3న తన బాధ్యతలను రామన్ లగార్తాకు అప్పగిస్తారు. ప్రస్తుతం కంపెనీ ప్రెసిడెంట్‌గా ఉన్న లగార్తా కంపెనీలో 22 సంవత్సరాలు వివిధ హోదాల్లో సేవలు అందించారు. ఐరోపాతోపాటు ఆఫ్రికా సహారా డివిజన్‌లో ఆయన కంపెనీ ఈసీఓగా వ్యవహరించారు.

ముంబయి, ఆగస్టు 6: దేశీయ మార్కెట్లు లాభాల పంట పండిస్తున్నాయి. గత వారం రికార్డు స్థాయిలో పెరిగిన ముంబయి స్టాక్ ఎక్ఛ్సేంజ్ లావాదేవీల జోరు ఈ వారం మొదటి రోజున కూడా కొనసాగింది. ఇప్పటికే సెనె్సక్స్ రికార్డు స్థాయికి చేరుకోగా, సోమవారం స్వల్పంగా పెరిగి, 37,805.25 పాయింట్లకు చేరుకుంది. ఇది సరికొత్త రికార్డుగా నమోదైంది. మొత్తం మీద సెనె్సక్స్, నిఫ్టీ స్వల్పంగా పెరగ్గా, బ్యాంకింగ్ రంగం లాభపడింది.

న్యూఢిల్లీ, ఆగస్టు 6: ముడి చమురు ధర స్వల్పంగా పెరిగింది. 0.70 శాతం పెరగడంతో, బ్యారెల్ ధర 4,719 రూపాయలకు చేరుకుంది. ప్రపంచ వ్యాప్తంగా మార్కెట్ గమన విధానాలను అధ్యయనం చేసిన పెట్టుబడిదారులు క్రూడ్ ఆయిల్‌పై దృష్టి సారించారు. ఈ రంగంలో వ్యాపార లావాదేవీలు 299 లాట్స్‌కు చేరుకోగా, గత ఏడాది సెప్టెంబర్‌లో 4,657 రూపాయలుగా ఉన్న బ్యారెల్ ధర 0.70 శాతం పెరిగింది.