ముంబయి, మే 29: త్వరలో రిజర్వు బ్యాంక్ ఇండియా ప్రకటించే ద్రవ్య విధానంపై భగ్గుమంటున్న చమురు ధరల ప్రభావం పడే అవకాశాలు కనపడుతున్నాయి. వచ్చే నెల 4వ తేదీ నుంచి మూడు రోజుల పాటు ద్రవ్య విధానంపై ఆర్‌బిఐ సమీక్షించనుంది. గతంలో ప్రతి రెండు నెలలకోసారి రెండురోజుల పాటు ఆర్‌బిఐ ద్రవ్య విధానాన్ని సమీక్షించేది. మొదటిసారిగా మూడు రోజులపాటు ఆర్‌బిఐ ద్రవ్య విధానాన్ని సమీక్షించడంపై సర్వత్రా ఆసక్తి నెలకొంది.

న్యూఢిల్లీ, మే 29: పంటలకు తగ్గట్టుగా ఎరువులను తయారు చేసే మిశ్రమ ఎరువుల సంస్థలు యూరియా, డిఏపిని రిటైలర్ల నుంచి కొనుగోలు చేస్తేనే సబ్సిడీ లభిస్తుంది. ప్రస్తుతం కేంద్రం గత ఆరునెలలుగా నేరుగా నగదు బదలాయింపుస్కీంను (డిబిటి) అమలు చేస్తున్న విషయం విదితమే. యూరియా, డిఏపి తయారు చేసే సంస్థలకే ప్రస్తుతం సబ్సిడీ లభిస్తోంది.

భువనేశ్వర్: అంతర్జాతీయ మార్కెట్లకనుగుణంగా పెరుగుతున్న పెట్రోలు, డీజిల్ ధరలకు కళ్లెం వేసే లక్ష్యంతో దీర్ఘకాలిక ఏకీకృత వ్యూహాన్ని అనుసరించేవిధంగా ప్రణాళికను రూపొందిస్తున్నట్టు కేంద్ర చమురు శాఖ మంత్రి ధర్మేంద్ర ప్రధాన్ వెల్లడించారు. అయితే ఈ వ్యూహానికి సంబంధించిన వివరాలను మాత్రం ఆయన వెల్లడించలేదు. వరుసగా 15వ రోజైన సోమవారం చమురు ధరలు పెరిగాయి.

న్యూఢిల్లీ, మే 28: జర్మనీకి చెందిన లగ్జరీకార్ల ఉత్పత్తి సంస్థ ఆడి భారతీయ మార్కెట్‌లో, ఎంపిక చేసిన కొన్ని మోడల్ కార్లపై రాయితీలను ప్రకటించింది. ఈ రాయితీలు రూ.10 లక్షల వరకు ఉండటం గమనార్హం. దేశీయంగా కార్ల పోటీని తట్టుకోవడం కోసమే ఈ రాయితీయలు ప్రకటించినట్టు తెలుస్తోంది. ఎంపిక చేసిన మోడళ్లపై రూ.2.7 లక్షలనుంచి, రూ.10 లక్షల వరకు రాయితీలు ఉంటాయని కంపెనీ తెలిపింది.