ముంబయి, మే 25: ఐసిఐసిఐ బ్యాంకు సిఇవో, మేనేజింగ్ డైరెక్టర్ చందా కొచ్చర్‌కు సెబి సంస్థ నోటీసులు జారీ చేసింది. వీడియోకాన్, నూపవర్ సంస్థలో ఆమె భర్త దీపక్ కొచ్చర్‌కు ఆర్థిక ప్రయోజనాలు కల్పించే విధంగా ఈ సంస్ధలతో ఐసిఐసిఐ ఆర్థిక వ్యవహరాలు నడిపారనే అభియోగాలు వచ్చిన విషయం విదితమే. త్వరలో సెబి ఇచ్చిన నోటీసును పూర్తిగా అధ్యయనం చేసిన తర్వాత నివేదికను సెబికి సమర్పిస్తామని ఐసిఐసిఐ పేర్కొంది.

న్యూఢిల్లీ, మే 25: ఉక్కు, అల్యూమినియంపై దిగుమతి సుంకాల పెంపు, వీసాలపై ఆంక్షలు అంశాలపై ఐదు రోజుల అమెరికా పర్యటనలో ఆ దేశ ఉన్నతాధికారులతో వాణిజ్య శాఖ మంత్రి సురేష్ ప్రభు చర్చించనున్నారు. సురేష్ ప్రభు ఐదు రోజుల అమెరికా పర్యటన జూన్ 10వ తేదీ నుంచి ప్రారంభమవుతుంది. ఆయన అమెరికాలో అమెరికా వాణిజ్య ప్రతినిధి, అమెరికన్ వాణిజ్య సెక్రటరీ (యుఎస్‌టిఆర్)తో విస్తృత స్థాయి చర్చలు జరపనున్నారు.

ముంబయి, మే 25: దేశీయ మార్కెట్లు వరుసగా రెండోరోజూ లాభాల్లోనే ముగిసాయి. రూపాయి కోలుకోవడం, దేశీయ సంస్థాగత మదుపర్లు నిరంతరం కొనుగోళ్లు జరపడం మార్కెట్ల జోరుకు కారణమని బ్రోకర్లు తెలిపారు. ఫలితంగా సెనె్సక్స్ 261 పాయింట్లు లాభపడి 34,924.87 వద్ద ముగియగా, నిఫ్టీ 91.30 పాయింట్ల లాభంతో 10,605.15 వద్ద ముగిసింది.

న్యూఢిల్లీ, మే 24: పెట్రోల్, డీజిల్ ధరలు గురువారం రికార్డు స్థాయికి చేరుకోవడంతో, కేంద్ర ప్రభుత్వంపై ఒత్తిడి తీవ్రమైంది. ముఖ్యంగా పెరుగుతున్న పెట్రోల్, డీజిల్ ధరలకు ఒక పరిష్కారం కనుగొనాలంటూ అన్నివైపులనుంచి ప్రభుత్వంపై వత్తిళ్లు వస్తున్నాయి. ముఖ్యంగా పెట్రోధరలు మధ్యతరగతి ప్రజల నడ్డివిరిచే స్థాయిలో పెరగడం సర్వత్రా ఆందోళనకు కారణమవుతోంది.