విశాఖపట్నం, జనవరి 1: విశాఖ స్టీల్ ప్లాంట్ లక్ష్యానికి చేరువగా ఉంది. ప్లాంట్ విస్తరణను విజయవంతంగా పూర్తి చేసుకుని, సంవత్సరానికి 7.3 మిలియన్ టన్నుల ఉత్పత్తిని సాధించేందుకు మార్గాన్ని సుగమమం చేసుకుంటోంది.

న్యూఢిల్లీ, జనవరి 1: వస్తు, సేవల పన్ను (జీఎస్‌టీ) చెల్లింపులో భాగంగా వ్యాపార సంస్థలు తమ నెలవారీ రిటర్న్‌లు -జీఎస్‌టీఆర్-3బీ-లలో పొరపాట్లను సవరించుకోవడానికి కేంద్ర ఆర్థిక మంత్రిత్వ శాఖ అనుమతిచ్చింది. ఎలాంటి జరిమానా చెల్లించకుండా, భయాందోళనలకు లోనుకాకుండా వ్యాపారులు తమ రిటర్న్‌లలోని పొరపాట్లను సవరించుకోవడానికి ఈ చర్య దోహదపడుతుంది.

న్యూఢిల్లీ, జనవరి 1: ఆహార వస్తువులు, కిరోసిన్, వంట గ్యాస్ ధరలు పెరగడం వల్ల పారిశ్రామిక కార్మికులకు సంబంధించిన రిటెయిల్ ద్రవ్యోల్బణం 2017 నవంబర్ నెలలో 3.97 శాతానికి పెరిగింది. 2017 అక్టోబర్‌లో 3.24 శాతం ఉన్న సీపీఐ-ఐడబ్ల్యు (వినియోగ వస్తువుల ధరల సూచీ- పారిశ్రామిక కార్మికులు) 2017 నవంబర్‌లో 3.97 శాతానికి పెరిగింది. ఈ సూచీ 2016 నవంబర్‌లో 2.59 శాతం ఉండింది.

న్యూఢిల్లీ, డిసెంబర్ 31: పెద్దనోట్ల రద్దు, వస్తు సేవల పన్ను, అలాగే ఆర్‌ఈఆర్‌ఏ ప్రభావానికి తీవ్రస్థాయిలో కునారిల్లిన రియల్టీరంగం కొత్త సంవత్సరంలోకి ఎన్నో ఆశలతో అడుగుపెట్టబోతోంది. ఈ మూడు కీలక సంస్కరణల ప్రభావానికి తీవ్రంగా లోనైన రియల్టీ రంగం ప్రస్తుతం నష్టాలను, కష్టాలను అధిగమించే కొత్త ఆశలతో కొత్త సంవత్సరంలోకి అడుగుపెట్టేందుకు సమాయత్తమవుతోంది.