నిజామాబాద్, జనవరి 3: నిజామాబాద్ జిల్లా వేల్పూర్ మండలంలో రూపుదిద్దుకుంటున్న స్పైస్ పార్క్ పనులు కేంద్ర ప్రభుత్వం తోడ్పాటుతో మరింత వేగం పుంజుకోనున్నాయి. ఢిల్లీలో బుధవారం నిజామాబాద్ పార్లమెంటు సభ్యురాలు కల్వకుంట్ల కవిత కేంద్ర వాణిజ్య, పరిశ్రమల శాఖ మంత్రి సురేష్‌ప్రభును కలిసి పసుపు రైతులను ఆదుకునేందుకు చేపడుతున్న స్పైస్ పార్క్ పనుల గురించి వివరించారు.

న్యూఢిల్లీ, జనవరి 3: చైనా నుంచి భారీగా దిగుమతి అవుతున్న కృత్రిమ రబ్బర్ నాణ్యతపై ఆరోపణలు వెల్లువెత్తడంతో ఈ విషయమై సమగ్ర విచారణ జరపాలని భారత్ నిర్ణయించింది. దేశీయ వ్యాపారులకు బాసటగా నిలవాలని ప్రభుత్వం భావిస్తోంది. చైనా రబ్బర్ నాణ్యతపై గుజరాత్ ఫ్లూరోకెమికల్స్ ‘డైరెక్టరేట్ జనరల్ ఆఫ్ యాంటీ డంపింగ్ అండ్ అలైడ్ డ్యూటీస్ (డిజిఎడి) ముందు ఫిర్యాదు చేసింది.

న్యూఢిల్లీ, జనవరి 3: ఎన్నికల బాండ్ల జారీకి సంబంధించి డోనర్స్ (దాతలు) పేర్లు బయటపెట్టకూడదన్న కేంద్ర ప్రభుత్వ నిర్ణయాన్ని కాంగ్రెస్ పార్టీ తప్పుపట్టింది. ఎన్నికల ప్రక్రియలో పారదర్శకత పాటిస్తామని చెబుతున్న కేంద్రం విరాళాలు ఇచ్చేవారి పేర్ల విషయంలో గోప్యత పాటించడం ఎందుకని కాంగ్రెస్ నిలదీసింది. కేంద్రం తీసుకున్న ఈ నిర్ణయం తిరోగమన చర్యగా పార్టీ అధికార ప్రతినిధి రణదీప్ సుర్జేవాల అభివర్ణించారు.

ముంబయి, జనవరి 2: కార్పొరేట్ కంపెనీల మూడో త్రైమాసిక ఫలితాలు వెలువడనుండటం, అంతర్జాతీయ మార్కెట్‌లో ముడి చమురు ధరలు పెరగడం, ఐరోపా మార్కెట్లలో షేర్ల ధరలు పెరగక పోవడం వంటి కారణాల వల్ల మదుపరులు అప్రమత్తంగా వ్యవహరించడంతో దేశీయ స్టాక్ మార్కెట్లు మంగళవారం ఫ్లాట్‌గా ముగిశాయి.