న్యూఢిల్లీ, జనవరి 4: బాణసంచాపై నిషేధం వల్ల ఏర్పడిన అనిశ్చితితో తమిళనాడులో 840 ఫ్యాక్టరీలు మూతపడి దాదాపు 8 లక్షల మంది కార్మికులు ఉపాధిని కోల్పోయారని రాజ్యసభలో డిఎంకే ఆందోళన వ్యక్తం చేసింది. రాజ్యసభలో జీరో అవర్ సందర్భంగా డిఎంకే సభ్యుడు తిరుచ్చి శివ మాట్లాడుతూ, కాలుష్యానికి బాణసంచా ఒక్కటే కారణం కాదని, పర్యావరణ పరిరక్షణ నిబంధనల నుంచి ఈ పరిశ్రమకు మినహాయింపు ఇవ్వాలని కోరారు.

న్యూఢిల్లీ, జనవరి 4: ఐదొందల రూపాయలు చెల్లిస్తే పేటియంలో వ్యక్తుల ఆధార్ వివరాలు పొందవచ్చన్న మీడియా కథనాలను విశిష్ట గుర్తింపుప్రాథికారిత సంస్థ (యూఐడీఏఐ) కొట్టిపారేసింది. 500 రూపాలతో లక్ష మంది వ్యక్తుల ఆధార్ వివరాలు క్షణాల్లో లభిస్తాయని ఓ ఆంగ్ల పత్రికలో కథనాలు వెలువడ్డాయి. దీనిపై యూనిక్‌ఐడీ తీవ్రంగానే స్పందించింది. ‘ఆధార్ వివరాలకు పూర్తి భద్రత ఉంది. ఎట్టిపరిస్థితుల్లోనూ బయటకు వచ్చే అవకాశం లేదు.

ముంబయి, జనవరి 3: బుధవారం ఉదయం లాభాలతో ప్రారంభమైన స్టాక్ మార్కెట్లు చివరికి ఫ్లాట్‌గా ముగిశాయి. నిఫ్టీ స్వల్ప లాభంతో ముగియగా, సెనె్సక్స్ స్వల్ప నష్టంతో ముగిసింది. సెనె్సక్స్ 18.88 పాయింట్లు నష్టపోయి 33,998.37 పాయింట్లకు చేరుకుంది. నిఫ్టీ కేవలం ఒక్క పాయింట్ స్వల్ప లాభంతో 10,443.20 వద్ద ముగిసింది. డాలరుతో రూపాయి మారకం విలువ రూ.63.54 వద్ద కొనసాగింది.

హైదరాబాద్, జనవరి 3: తెలంగాణ పారిశ్రామిక విధానం అద్భుతమని డెల్ ఎక్సెల్ ఫార్మా సియివో రఘుపతి కందారపు కొనియాడారు. ఈ మేరకు పరిశ్రమలశాఖ మంత్రి కె తారకరామారావుకు రఘుపతి బుధవారం సందేశం పంపారు. గతంలో వివిధ కంపెనీల్లో పని చేసిన రఘుపతి ప్రస్తుతం సొంతంగా పరిశ్రమను స్థాపించడానికి చేస్తున్న ప్రయత్నాల్లో ప్రభుత్వపరంగా, పారిశ్రామిక విధానం వల్ల తనకు కలిగిన అనుభవాలను మంత్రితో పంచుకున్నారు.