న్యూఢిల్లీ, మార్చి 24: భారత ఆర్థిక వ్యవస్థ 2016-17 ఆర్థిక సంవత్సరంలో కేంద్ర గణాంక శాఖ కార్యాలయం మందస్తు అంచనా వేసిన 7.6 శాతంకన్నా తక్కువగా 7.2 శాతం వృద్ధి చెందవచ్చని బిఎంఐ రిసెర్చ్ అంచనా వేసింది. పెట్టుబడులు బలహీనంగా ఉండడం, అంతర్జాతీయంగా తలెత్తిన సమస్యలు దీనికి ప్రధాన కారణమని ఆ సంస్థ అభిప్రాయ పడింది.

ముంబయి, మార్చి 24: ప్రపంచవ్యాప్తంగా ప్రకటనలపై చేసే వ్యయం ఈ ఏడాది గత ఏడాదితో పోలిస్తే 4.4 శాతం పెరిగి 561 మిలియన్ డాలర్లకు చేరుకోవచ్చని, ఆన్‌లైన్ మార్కెటింగ్ ప్రకటనలపై చేసే ఖర్చులో మొబైల్ ఫోనే ప్రధాన పాత్ర వహించనుందని అంతర్జాతీయ మార్కెటింగ్ ఇంటెలిజన్స్ సంస్థ వార్క్ అభిప్రాయ పడింది.

హైదరాబాద్, మార్చి 24: దేశంలో వినిమయ వాహనాల (యుటిలిటీ వెహికల్స్)ను తయారు చేస్తున్న అతిపెద్ద సంస్థల్లో ఒకటైన ‘మహీంద్రా’ రానున్న 18 నెలల కాలంలో ఆఫ్రికాకు తమ భారీ, వాణిజ్య (హెవీ, కమర్షియల్) వాహనాలను ఎగుమతి చేయాలని యోచిస్తోంది. మహీంద్రా సంస్థకు చెందిన సీనియర్ ఎగ్జిక్యూటివ్ ఒకరు గురువారం ఈ విషయాన్ని వెల్లడించారు.

న్యూఢిల్లీ, మార్చి 24: విదేశీ పెట్టుబడులను ఆకర్షించడంలో అభివృద్ధి చెందుతున్న దేశాలలో భారత్ ప్రాధాన్యత క్రమంగా తగ్గుతూ వస్తున్నప్పటికీ అమెరికా మదుపరులు నేరుగా ఈక్విటీల్లో పెట్టుబడులు పెట్టే విషయంలో భారత్ చైనాను అధిగమించేసింది. అమెరికా ఆర్థిక శాఖ విడుదల చేసిన గణాంకాలను బట్టి అమెరికా విదేశీ ఈక్విటీ పెట్టుబడుల్లో భారత్ వాటా 1.8 శాతానికి పెరగ్గా, చైనా వాటా 1.6 శాతమే ఉంది.