కురుక్షేత్ర యుద్ధం ముగిశాక ‘కలియుగం’ ప్రారంభమైందని విజ్ఞులు అంటారు. ఒక్కో యుగానికి ఒక్కో లక్షణముంటుందన్న భావన ఉంది. త్రేతాయుగ లక్షణాలు ద్వాపరంలో కనిపించవు, ద్వాపర యుగ లక్షణాలు కలియుగంలో కనిపించవన్నది జ్ఞాన విశారదుల మాట. కలియుగంలో సత్యం, ధర్మం, నిజం, వాస్తవాలకు ‘గ్రహణం’ పడుతుందన్న మాట విస్తృత ప్రచారంలో ఉంది.

భారతదేశ చరిత్రలో మార్చి 23వ తేదీకి ఓ ప్రత్యేకత ఉంది. ప్రఖ్యాత సోషలిస్టు నాయకుడు రామ్‌మనోహర్ లోహియా 1910 మార్చి 23న జన్మించారు. విప్లవవీరులైన సర్దార్ భగత్‌సింగ్, రాజ్‌గురు, సుఖదేవ్‌లు ఉరితీయబడిన రోజు 1931 మార్చి 23. ప్రత్యేక పాకిస్తాన్ కావాలని 1940లో తీర్మానించిన రోజు మార్చి 23. పాకిస్థాన్ ఇస్లామిక్ ప్రజాస్వామ్యమని 1956లో తీర్మానం చేసి అమలులోకి తెచ్చుకున్న రోజు మార్చి 23.

భారతీయ జనసంఘ్ 1952లో పుట్టింది. శ్యామప్రసాద్ ముఖర్జీ పార్టీ అధ్యక్షుడు. పండిత్ దీనదయాళ్ ఉపాధ్యాయ ప్రధాన కార్యదర్శి. అప్పుడు ఆంధ్రప్రదేశ్‌లో రెండే పార్టీలు ఉండేవి. అందులో ఒకటి భూస్వాముల కాంగ్రెసు పార్టీ. 1955లో మొదటిసారి భారతీయ జనసంఘ్ ఐదు సీట్లల్లో పోటీచేసి ఐదు చోట్ల డిపాజిట్లు పోగొట్టుకుంది. ఇది 2019వ సంవత్సరం. కాలగర్భంలో డెబ్బది సంవత్సరాలు గడిచిపోయాయి. ఐనా పార్టీ పరిస్థితిలో మార్పురాలేదు.

అమరజీవి బలిదానం పొట్టి శ్రీరాములు పోరాటగాథ’ అమూల్య చారిత్రక అంశాల సంకలనాన్ని డా. నాగసూరి వేణుగోపాల్ సంపాదకత్వంలో ఆంధ్రప్రదేశ్ రాష్ట్ర సృజనాత్మకత మరియు సంస్కృతి సమితి ప్రచురించారు. ఇందులో చరిత్రలో మరుగున పడివున్న ఎందరో మేధావుల వ్యాసాలను, సందేశాలను, అభిప్రాయాలను వెలికితేవడంలో సంపాదకుడు కృతకృత్యుడయ్యాడనే చెప్పవచ్చు.