మెల్‌బోర్న్, నవంబర్ 22: భారత్, ఆస్ట్రేలియా మధ్య ద్వైపాక్షిక సంబంధాలు బలోపేతం కావాలని, వాణిజ్య, శాస్త్ర, సాంకేతిక రంగాల్లో పరస్పర సహకారం పెంపొందించుకోవాలని రాష్టప్రతి రామ్ నాథ్ కోవింద్, ఆస్ట్రేలియా ప్రధానమంత్రి స్కార్ మారిసన్ నిర్ణయించారు. ఈ మేరకు ఇరుదేశాలు ఐదు అంశాలపై అవగాహన ఒప్పందాలను కుదుర్చుకున్నాయి.

వాషింగ్టన్, నవంబర్ 21: అమెరికా ఎన్నికల్లో రష్యా జోక్యంపై వచ్చిన అభియోగాలకు సంబంధించి ప్రత్యేక న్యాయవాది రాబల్ట్ ముల్లర్ చేసిన అభియోగాలకు బదులిచ్చినట్లు అధ్యక్షుడు ట్రంప్ న్యాయవాదులు ప్రకటించారు. ప్రత్యేక న్యాయవాది కార్యాలయం నుంచి వచ్చిన ప్రశ్నలతో కూడిన పత్రాన్ని అధ్యక్షుడు ట్రంప్‌కు తెలియచేశామని, వాటికి ట్రంప్ బదులిచ్చారని ఆయన తెలిపారు. ఈ విచారణలో రష్యా జోక్యానికి సంబంధించి ప్రశ్నలు ఉన్నాయి.

ఇస్లామాబాద్, నవంబర్ 20: ముషారఫ్‌పై పాకిస్తాన్‌లో జరుగుతున్న విచారణకు స్వయంగా హాజరైతే ఆయనకే మంచిదని ఇస్లామాబాద్ హైకోర్టు వ్యాఖ్యానించింది. కేసు తదుపరి విచారణ సమయంలో ముషారఫ్‌కు సంబంధించిన పర్యటన వివరాలను కోర్టుకు సమర్పించాలని ఆయన న్యాయవాదిని ఆదేశించింది.

వాషింగ్టన్, నవంబర్ 20: మానవుని మనుగడకు వాతావరణ మార్పులు పెనుముప్పుగా పరిణమిస్తున్నాయని ఓ అధ్యయనంలో వెల్లడైంది. వాతావరణంలో వస్తున్న పెనుమార్పులతో రానురాను వాయు ఉద్గారాలు పెరిగిపోతున్నాయని తెలిపారు. వాతావరణ మార్పుల గురించి ఓ పత్రికలో దిగ్భ్రాంతికరమైన విషయాలు ప్రచురితమయ్యాయి. మనుషులపై ఎలాంటి ప్రతికూల ప్రభావం చూపుతుందీ ధృవీకరించే అధ్యయన పత్రాలు జర్నల్‌లో ముద్రించారు.