ప్రాగ్యూ, సెప్టెంబర్ 7: భారత రక్షణ రంగం అవసరాలకు అనుగుణంగా పరికరాల తయారీ సంస్థల ఏర్పాటుకు ముందుకు రావాలని రాష్టప్రతి రామ్ నాథ్‌కోవింద్ చెక్ దేశ రక్షణ కంపెనీలకు పిలుపునిచ్చారు. శుక్రవారం ఇక్కడ ఆయన చెక్ అధ్యక్షుడు మిలోస్ జెమాన్‌తో సమావేశమై ఇరుదేశాల మధ్య పరస్పర సహకారం, అభివృద్ధి అంశాలపై చర్చించారు. రక్షణ రంగంలో పెట్టుబడులు పెట్టేందుకు ముందుకు రావాలని చెక్ దేశంలోని సంస్థలను రాష్టప్రతి కోరారు.

టోక్యో, సెప్టెంబర్ 6: భూకంపం, కొండచరియలు విరిగిపడిన సంఘటనల్లో జపాన్ దేశంలో తొమ్మిది మంది మృతి చెందారు. భూకంపం తీవ్రత రిక్టర్ స్కేల్‌పై 6.6గా నమోదైంది. దేశంలోని ఉత్తర ప్రాంతంలో గురువారం సంభవించిన భూకంపం వల్ల తొమ్మిది మంది చనిపోగా, చాలామంది ఆచూకీ తెలియడం లేదని అధికారులు తెలిపారు. ఈ వారంలో పెద్దతుపాను దేశాన్ని తాకడంతో అనేక ఇళ్లు నేలమట్టమైన సంగతి తెలిసిందే.

సోఫియా, సెప్టెంబర్ 5: పౌర అణు విధాన రంగంలో పరస్పరం సహకరించుకోవాలని భారత్, బల్గేరియా దేశాలు నిర్ణయించాయి. ఈ మేరకు ఇరు దేశాల మధ్య ద్వైపాక్షిక ఒప్పందం కుదిరింది. భారత రాష్టప్రతి రామ్ నాథ్ కోవింద్, బల్గేరియా అధ్యక్షుడు రుమెన్ రాడేవ్‌లు రెండు దేశాల అభివృద్ధికి సంబంధించిన అంశాలపై చర్చించారు. భారత రక్షణ రంగం అభివృద్ధిలో బల్గేరియా కీలక భాగస్వామి కావాలని రాష్టప్రతి కోరారు.

వాషింగ్టన్, సెప్టెంబర్ 5: మండే సూర్యుడి దృశ్యాలను, పరిస్థితిని అధ్యయనం చేసేందుకు నాసా త్వరలో సౌండింగ్ రాకెట్‌ను ప్రయోగించనుంది. భూమి వాతావరణం నుంచి ఈ రాకెట్ సూర్య మండలంలో మార్పులను అధ్యయనం చేస్తుంది. ఎక్స్‌రే ద్వారా సూర్య మండల దృశ్యాలను బంధిస్తుంది. ఈ రాకెట్‌కు ఫోకసింగ్ ఆప్టిక్స్ ఎక్స్ రే సోలార్ ఇమేజర్ మిషన్ అని నామకరణం చేశారు. ఈ నెల 7వ తేదీన న్యూ మెక్సికో నుంచి ఫోక్స్‌సీని ప్రయోగిస్తారు.