ఇస్లామాబాద్, ఆగస్టు 20: ఇరుగుపొరుగు దేశాలతో శాంతియుత చర్చలకు తాము ఎల్లపుడూ సిద్ధమేనని పాకిస్తాన్ కొత్త విదేశీ వ్యవహారాల శాఖ మంత్రి షా మహమ్మద్ ఖురేషీ తెలిపారు. ఇమ్రాన్ ఖాన్ నాయకత్వంలో పాక్‌లో కొత్తగా ఏర్పడిన ప్రభుత్వంలో విదేశీ మంత్రిగా సోమవారం ప్రమాణ స్వీకారం చేసిన అనంతరం ఆయన మీడియాతో మాట్లాడారు.

దుబాయ్, ఆగస్టు 19: దుబాయ్‌లో స్థిరపడిన కేరళ వ్యాపారులు కేరళలో వరద బాధితులను ఆదుకునేందుకు రూ.25 కోట్ల విరాళాన్ని ప్రకటించారు. గల్ఫ్‌దేశాల్లో లక్షలాది మంది కేరళ ప్రజలు జీవనోపాధి నిమిత్తం ఉద్యోగాలు చేస్తున్నారు. కేరళలో ప్రకృతి విలయతాండవంపై వస్తున్న వార్తలు ఇక్కడి ప్రజలను కలచివేస్తున్నాయి. కేరళకు చెందిన వ్యాపార వేత్త యూసుఫ్ అలీ అనే వ్యక్తి రూ.50 మిలియన్లను విరాళంగా ప్రకటించారు.

జకార్తా, ఆగస్టు 18: మినీ ఒలింపిక్స్‌గా విఖ్యాతి గాంచిన ఆసియా క్రీడలు ఈసారి జకార్తాలో అట్టహాసంగా మొదలయ్యాయి. 18వ ఏషియాడ్‌కు ఇండోనేషియా రాజధాని జకార్తాతోపాటు పాలెమ్‌బాంగ్ కూడా సంయుక్తంగా ఆతిథ్యమిస్తున్నది. శనివారం ప్రారంభమైన 18వ ఆసియా క్రీడలు సెప్టెంబర్ 2వ తేదీన ముగుస్తాయి. మొత్తం 45 దేశాలు, 40 క్రీడలకు సంబంధించిన 465 విభాగాల్లో పతకాల కోసం పోటీపడుతున్నాయి.

కరాచీ, ఆగస్టు 17: మనీ ల్యాండరింగ్ కేసులో పాకిస్తాన్ మాజీ అధ్యక్షుడు, పీపీపీ కోచైర్మన్ ఆసిఫ్ అలీ జర్దారీతోబాటు మరో 15మంది అనుమానితులను అరెస్టు చేసి విచారణ జరపాల్సిందిగా ఆ దేశానికి చెందిన ఓ బ్యాంకింగ్ కోర్టు ఆదేశించింది. ఇందుకు సంబంధించి నాన్‌బెయిలబుల్ వారెంట్‌ను న్యాయస్థానం జారీచేసింది. నకిలీ బ్యాంకు అకౌంట్లకు సంబంధించిన ఈ కుంభకోణంలో 35 మిలియన్ రూపాయల ధనం మనీల్యాండరింగ్‌కు గురైందన్నది ఆరోపణ.