శ్రీకృష్ణుడు వెన్నంటి ఉన్న యుద్ధరంగంలో అర్జునుడంతటి ధీరుడికే మనోదౌర్భల్యం ఆవరించిందంటే ఇక లౌకిక జీవనంలో నిత్యం ఒత్తిళ్ళతో సతమతమయ్యే సామాన్యుల సంగతి చెప్పనక్కరలేదు. ఆపై కృష్ణుడు ప్రవచించిన ధర్మోపదేశమే అర్జునుణ్ణి కార్మోన్ముఖుణ్ణి చేసింది. అదే భగవద్గీతగా నేటికీ నిత్య నూతన జ్ఞాన కాంతుల్ని విరజిమ్ముతోంది. గీతతో జీవనగీతలను మార్చుకోవచ్చని అనేకమంది మహాపురుషులు నిరూపించి చూపారు.

‘శ్రద్ధావాన్ లభతే జ్ఞానం’- శ్రద్ధావంతుడు జ్ఞానాన్ని సంపాదిస్తాడు. ‘శ్రద్ధ’ అంటే ఆస్తికబుద్ధి అన్నాడు శంకరాచార్యులవారు. భగవద్గీతలో శ్రద్ధ అనే పదానికి మూడు అర్థాలు చెప్పబడుతున్నాయి. అవి విశ్వాసం, నమ్మకం, గౌరవం. ఈ మూడు ఒక్కటై ఎవని మనసులో ఉండునో అతడే శ్రద్ధావంతుడు. జ్ఞానాన్ని సంపాదించాలన్న జిజ్ఞాస గలవానిని కూడా శ్రద్ధాళువు అనవచ్చు.

అమృతం సాధించడం కోసం క్షీరసాగర మథనం జరిగిన తరువాత మోసపోయిన దానవులు దేవతలతో యుద్ధం చేసి ఓడిపోయారు. రాక్షసులకు నాయకత్వం వహించిన బలిచక్రవర్తి ఆ యుద్ధంలో పరాజయం పాలయ్యాడు. అనంతరం తమ కులగురువైన శుక్రాచార్యులను ఆశ్రయించాడు. అతని సేవలకు మెచ్చి అతన్ని అనుగ్రహింపదలచిన భార్గవుడు శిష్యుడైన బలిచేత విశ్వజిద్యాగం చేయించాడు. తత్ఫలితంగా యజ్ఞం పూర్తికాగానే అగ్నిదేవుడు అతనికి ఒక దివ్యరథం ఇచ్చాడు.

భక్తి తొమ్మిది విధాలని భాగవతం చెబుతున్నది. భక్తిలోనిది మొదట శ్రవణం, సంకీర్తనం. రామనామం నిత్య పారాయణం చేసుకునేవానికి సాధు సత్సంగాలు దర్శించుకునేవారికి రామదర్శనం, రామనుగ్రహం కల్గుతుందని రామాయణంలోని సుందరాకాండ తెల్పుతున్నది. పాప పుణ్యాలు మనసులోనికి రాకుండా మనసును దైవమునందే నిల్పిన వానికి రామ మహిమ తెలుస్తుంది.