S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
విశ్వోత్పత్తికి బ్రహ్మవు
విశ్వము రక్షింపఁ దలచి విష్ణుడవనఁగా
విశ్వముఁఱుపను హరుడవు
విశ్వాత్మక! నీవే యగుచు వెలయుదు కృష్ణా!
కుక్షిని సకల జగంబుల
నిక్షేపము జేసి ప్రళయ నీరధి నడుమన్
రక్షక! వట పత్రము పై
దక్షతఁ బవళించు నట్టి ధన్యుఁడ కృష్ణా!
చుక్కల నెన్నగ వచ్చును
గ్రక్కున భూరేణువులను గణుతింప నగున్
చొక్కపు నీ గుణజాలము
నక్కజనుగు లెక్క పెట్ట నజునకు కృష్ణా!
భావం: ఓ కృష్ణా! ఈ ఆకాశంలో కనిపిస్తున్న నక్షత్రాలను లెక్కపెట్టవచ్చు. భూమిలోని ఇసుక రేణువులను కూడా కాస్త కష్టపడి లెక్కింపగవచ్చు. ఆర్తులను దీనులను, కాపాడే నీ దయామృతాన్ని గ్రోలవచ్చు కాని నీలోని సుగుణాలను లెక్కపెట్టటానికి ఆ బ్రహ్మకైనను సాధ్యం కాదు.
గిరులందు మేరువౌదువు
సురలందున నింద్రుడౌదు చుక్కల లోనన్
పరమాత్మ! చంద్రుడౌదువు
నరులందున నృపతి వౌదు నయముగ కృష్ణా!
దుర్భర బాణము రాగా
గర్భములోనుండి అభయ! ఆవుమటన్నన్
నిర్భరకృప రక్షించితి
నర్భకు నభిమన్యుసుతుని నచ్యుత కృష్ణా!
దివిజేంద్ర సుతుని జంపియు
రవిసుతు రక్షించి నావు రఘురాముడవై
దివిజేంద్ర సుతుని గాచియు
రవిసుతుఁ బరి మార్చి తౌర రణమున కృష్ణా!
శక్రసుత గాచు కొఱకై
చక్రము చేపట్టి భీష్ముఁ జంపగ జను నీ
విక్రమ మేమని పొగడుదు?
నక్రాగ్రహ ! సర్వలోకనాయక! కృష్ణా!
దుర్జనులగు నృపసంఘము
నిర్జింపగఁదలచి నీవు నిఖిలాధారా!
దుర్జనులను వధియింపను
అర్జునునకు నీవు సాదివైతివి కృష్ణా!
జయమును విజయున కియ్యవే
హయములు ములుకోలమోపి యదలించి మహా
రయమున రొప్పవె తేరును
భయమున రిపు సేన విణిగి పాఱగ కృష్ణా!
శుభ్రమగు పాంచజన్యము
అభ్రంకషమగుచు మ్రోవ నాహన భూమిన్
విభ్రమలగు దనుజసుతా
గర్భంబుల పగుల జేయు ఘనుడవు కృష్ణా!
భావం: నీవు రణరంగంలో పాంచజన్యం అనే శంఖం పూరించి నీ వైరులను భయభ్రాంతులను చేసినవాడివి. ఈ శంఖనాదంతో రాక్షస స్ర్తిల గర్భాలు బ్రద్దలు చేసే వీరుడవు నీవు కదా. రాక్షసులకు శ్రీకృష్ణుడంటే ఎంత భయమో సజ్జనులకు భక్తులకు శ్రీకృష్ణుడంటే అభయం ఇచ్చేవాడని అంత ప్రీతి.