కాల్వశ్రీరాంపూర్, జనవరి 27: పెద్దపల్లి జిల్లా కాల్వశ్రీరాంపూర్ మండలంలోని పెగడపల్లి గ్రామంలో ఆదివారం జింక కొమ్ములను ఎస్‌ఐ షేక్ మస్తాన్ వలీ పట్టుకున్నారు. ఎస్‌ఐ వివరాల ప్రకారం.. పిక్కల కుమార్ ఇంటిలో జింక కొమ్ములు ఉన్నట్లు సమాచారం మేరకు సోదా చేయగా జింక కొమ్ములు లభ్యమైనట్లు తెలిపారు. వెంటనే జింక కొమ్ములను స్వాధీనం చేసుకొని కుమార్‌ను అదుపులోకి తీసుకున్నట్లు ఎస్‌ఐ తెలిపారు.

భువనగిరి, జనవరి 27: మండలంలోని రాయిగిరి, కూనూరు గ్రామాల మధ్య ఎదురెదురుగా వస్తున్న ఆటోను బైక్‌ఢీకొనడంతో బైక్‌పై వస్తున్న ఇద్దరు వ్యక్తులు మృతిచెందిన సంఘటన ఆదివారం చోటుచేసుకుంది. మృతి చెందిన వ్యక్తులు గుండాల మండలం సుద్దాల గ్రామానికి చెందిన బుర్ర ధశరథ (47), అనీల్ (25). వీరు భువనగిరి వైపుకు వస్తుండగా వేగంగా వస్తున్న అటో డీకొట్టడంతో అక్కడికక్కడే మృ తి చెందినట్లుగా స్థానికులు తెలిపారు.

కాచిగూడ, జనవరి 27: అమాయక ప్రజలపై సైబర్ నేరగాళ్లు వల విసురుతున్నారు. పలు బహుమతుల పేరుతో ఆశ చూపించి రిజిస్ట్రేషన్ పేరుతో డబ్బులు వసూలు చేస్తూ క్షణాల్లో మోసాలకు పాల్పడతున్నారు. మూడు నెలల వ్యవధిలో సైబర్ నేరగాళ్ల వలలో లక్షల్లో మోసపోయామని నగర సైబర్ క్రైమ్ విభాగానికి ఫిర్యాదు లందాయ. హైదారాబాద్, బెంగళూరు, చెనె్న నగరాలను లక్ష్యంగా నేరగాళ్లు దోపిడీ చేస్తున్నారని పోలీసులు అంచనా వేస్తున్నారు.

యాచారం, జనవరి 27: రోడ్డు ప్రమాదానికి గురై గుర్తు తెలియని వ్యక్తి మృతి చెందిన సంఘటన యాచారం పోలీస్‌స్టేషన్ పరిధిలో శనివారం రాత్రి చోటు చేసుకుంది. ఈ సంఘటనకు సంబంధించి యాచారం సీఐ మధుకుమార్ కథనం ప్రకారం వివరాలు ఇలా ఉన్నాయి. యాచారం మండల పరిధిలోని తక్కళ్ళపల్లి గేటు వద్ద శనివారం రాత్రి గుర్తు తెలియని వాహనం ఓ గుర్తు తెలియని వ్యక్తి (50)ని ఢీకొంది.