న్యూఢిల్లీ: దేశద్రోహ అభియోగాలను ఎదుర్కొంటున్న జెఎన్‌యు విద్యార్థి సంఘ అధ్యక్షుడు కన్హయ్య కుమార్‌ను కాల్చి చంపిన వారికి 11 లక్షల రూపాయల రివార్డు అందజేస్తామని ప్రకటిస్తూ సెంట్రల్ ఢిల్లీలో పోస్టర్లు వెలిశాయి. ఈ కేసులో కన్నయ్య కుమార్ బెయిలుపై జైలునుంచి విడుదలై రెండు రోజులు కూడా గడవకముందే ఈ పోస్టర్లు వెలవడం సంచలనం సృష్టిస్తోంది.

న్యూఢిల్లీ: దేవాదుల ప్రాజెక్టును ఏఐబిపి ప్రాజెక్టుల జాబితాలో చేర్చినట్టు కేంద్ర జలవనరుల మంత్రి ఉమాభారతి ప్రకటించారు. తెలంగాణ చేపట్టిన మిషన్ కాకతీయ పథకానికి తమ శాఖ పూర్తిసాయం అందిస్తుందని భరోసా ఇచ్చారు. శనివారం నీటిపారుదల శాఖ టాస్క్ ఫోర్సు సమావేశం అనంతరం ఉమాభారతి మీడియాతో మాట్లాడుతూ మిషన్ కాకతీయను పరిశీలించేందుకు తమ శాఖ అధికారుల బృందం త్వరలోనే తెలంగాణలో పర్యటిస్తుందని అన్నారు.

న్యూఢిల్లీ: 2016-17 బడ్జెట్‌లో ఇపిఎఫ్ నగదు ఉపసంహరణపై పన్ను విధిస్తూ చేసిన ప్రతిపాదన ఉపసంహరించుకోవాలని ప్రధాని నరేంద్ర మోదీ ఆర్థిక మంత్రి అరుణ్ జైట్లీకి సూచించినట్టు ప్రభుత్వ వర్గాలు వెల్లడించాయి. భవిష్య నిధి సొమ్ము ఉపసంహరించుకునే సమయంలో మొత్తంలో 60 శాతంపై పన్ను విధిస్తూ జైట్లీ బడ్జెట్‌లో ప్రతిపాదించటం తెలిసిందే.

దిల్లీ: దేశద్రోహం కేసులో నిందితుడిగా ఉంటూ ఇటీవల బెయిల్ పొందిన జెఎన్‌యు విద్యార్థి సంఘం నేత కన్నయ్యకుమార్‌ను కాల్చి చంపితే 11 లక్షల నగదు నజరానా ఇస్తామంటూ దిల్లీలో ‘పూర్వాంచల్ సేన’ పేరిట శనివారం వాల్‌పోస్టర్లు ప్రత్యక్షమయ్యాయి. యుపి, బిహార్ ప్రజల సంక్షేమానికి కృషి చేస్తున్నట్లుగా చెప్పుకునే ‘పూర్వాంచల్ సేన’ పేరిట పోస్టర్లు వెలియడం సంచలనం సృష్టించింది.