దిల్లీ: తమిళనాడు, కేరళ, అస్సాం, పశ్చిమ బెంగాల్, పుదుచ్చేరి రాష్ట్రాల్లో అసెంబ్లీ ఎన్నికలకు కేంద్ర ఎన్నికల సంఘం శుక్రవారం మధ్యాహ్నం నోటిఫికేషన్ విడుదల చేసింది. ఈ అయిదు రాష్ట్రాల్లో మొత్తం 824 అసెంబ్లీ స్థానాలకు జరిగే ఎన్నికల్లో సుమారు 17 కోట్ల మంది ఓటర్లు పోలింగ్‌లో పాల్గొనేందుకు అన్ని ఏర్పాట్లు చేస్తున్నారు.

దిల్లీ: మారిషన్ బ్యాంకుల నుంచి భారీ మొత్తంలో రుణాలు తీసుకున్న వ్యవహారంలో తనకు ఎలాంటి సంబంధం లేదంటూ కేంద్రమంత్రి సుజనా చౌదరి దాఖలు చేసిన స్పెషల్ లీవ్ పిటిషన్‌ను సుప్రీం కోర్టు శుక్రవారం కొట్టివేసింది. రుణాలు ఎగవేసిన కంపెనీల వ్యవహారాల్లో తన ప్రమేయం లేదని ఆయన కొంతకాలంగా చెబుతున్నారు.

నెల్లూరు: శ్రీహరికోట వద్ద సతీషా ధావన్ అంతరిక్ష ప్రయోగశాల (షార్)లో విద్యుత్ వైర్లు, రాగి ముక్కలు చోరీకి గురైనట్లు శుక్రవారం ఉదయం అక్కడి భద్రతా సిబ్బంది గమనించారు. షార్‌లో అత్యంత కీలకమైన ‘మ్యాగజైన్ భవనం’లో ఈ చోరీ జరగడం గమనార్హం. అత్యంత ప్రమాదకరమైన పేలుడు సామగ్రిని ఈ ‘మ్యాగజైన్ భవనం’లో నిల్వ చేస్తారు. అంతరిక్ష నౌకలను ప్రయోగించే సమయంలో పేలుడు పదార్థాలను వినియోగిస్తారు.

న్యూఢిల్లీ: ఎంపీలంటే అధికార యంత్రాంగానికి భయం పోతోందని, ఇది మంచి పరిణామం కాదని ప్రధాని నరేంద్ర మోదీ అన్నారు. రాష్టప్రతి ప్రసంగానికి ధన్యవాదాలు తెలిపే తీర్మానంపై లోక్‌సభలో జరిగిన చర్చకు గురువారం ఆయన సమాధానమిస్తూ, పార్లమెంటు ఉభయ సభలు సక్రమంగా పని చేయకపోవటం వలన అధికార పక్షానికి పెద్దగా నష్టం ఉండదు కానీ ప్రతిపక్షానికి ఎక్కువ నష్టం జరుగుతుందని వ్యాఖ్యానించగానే అధికార పక్షం సభ్యులు ఆశ్చర్యపోయారు.