న్యూఢిల్లీ:ఢిల్లీ సీఎం కేజ్రీవాల్ తో పాటు బీజేపీ బహిష్కృత ఎంపీ కీర్తి ఆజాద్ లపై పరువు నష్టం కేసు దాఖలు చేయనున్నట్టు బుధవారం డీడీసీఏ ప్రకటించింది. అరుణ్ జైట్లీ అధ్యక్షుడిగా ఉన్నప్పుడు డీడీసీఏలో అక్రమాలు, అవినీతి జరిగాయని కేజ్రీవాల్ ఆరోపించిన సంగతి తెలిసిందే.

వార్కళ (కేరళ) : అన్ని మతాలనూ సమ భావంతో ఆదరించాలనీ, మత సహనం ఉండాలని నారాయణ గురు ప్రబోధించారని సోనియా గాంధీ పేర్కొన్నారు. నారాయణ గురు 83వ జయంతి సందర్భంగా జరిగిన కార్యక్రమంలో ప్రసంగిస్తూ మహాపురుషుల బోధనలకు మతం రంగు పులమడమే కాకుండా సమాజంలో ఏహ్య భావాన్ని పెంపొందించేందుకు కూడా బీజేపీ ప్రయత్నిస్తున్నదని విమర్శించారు.

కాన్పూర్: మాజీ ప్రధాని అటల్ బిహారీ వాజ్‌పేయ్ విద్యకు సంబంధించిన రికార్డులు మాయమయ్యాయి. ఈమేరకు వాజ్‌పేయ్ విద్యా రికార్డులను చూపించాలని డిమాండ్ చేస్తూ ఛత్రపతి సాహు జీ యూనివర్సిటీ (సీఎస్‌జేఎంయూ) వైస్ ఛాన్సెలర్ కార్యాలయం ఎదుట బీజేపీ శ్రేణులు ధర్నాకు దిగాయి.

న్యూఢిల్లీ : దేశ రాజధాని ఢిల్లీలోనే కాకుండా మధ్యప్రదేశ్‌లో వాహన కాలుష్య నివారణ చర్యలు ఆ రాష్ట్ర ప్రభుత్వం చేపట్టింది. 15 సంవత్సరాల పైబడిన వాహనాలను నిషేధించింది. పాత వాహనాలతో కాలుష్యం ఎక్కువ అవుతుందనే ఈ నిర్ణయానికి వచ్చినట్లు ఆ రాష్ట్ర రాష్ట్ర రవాణా శాఖ మంత్రి భూపేందర్ సింగ్ వెల్లడించారు.