న్యూఢిల్లీ : సస్పెన్షన్‌కు గురైన బిజెపి ఎంపి కీర్తీ ఆజాద్‌ను పార్టీనుంచి ఎందుకు వెలివేయకూడదో తెలియజేయాలంటూ నోటీసు జారీ చేసింది. పది రోజులలోగా నోటీసుకు సమాధానం చెప్పాలని పార్టీ అధినాయకత్వం ఆదేశించింది. కీర్తీ ఆజాద్‌పై స్పెన్షన్‌ వేటు వేసినప్పటికీ ఆయన తన వైఖరి మార్చుకోలేదు. ఢిల్లీ క్రికెట్‌ సంఘం డిడిసిఎ అవినీతిలో కేంద్రమంత్రి అరుణ్‌జైట్లీ ప్రమేయం ఉందంటూ విమర్శలు చేస్తూనే ఉన్నారు.

వారణాసి : కొత్త సంవత్సరం సందర్భంగా వారణాసిలో శుక్రవారం ప్రత్యేకంగా గంగా హారతి నిర్వహించారు. ఏడాది తొలిరోజు కావడంతో పుణ్య స్నానాలు చేశారు. మధురలో కృష్ణపరమాత్మునికి 156 టన్నుల లడ్డూ ప్రసాదం అర్పించారు. గంగా హారతితోపాటు యాగాలు చేశారు. గంగానదికి పూజలు చేశారు.

ఢిల్లీ:్భరతీయ జనతా పార్టీ అధ్యక్ష పదవికి ఈనెల 10 తరువాత ఎన్నికల ప్రక్రియ ప్రారంభం కాబోతోంది. ప్రస్తుత అధ్యక్షుడు అమిత్‌షా పదవీకాలం ఈనెల 23తో ముగుస్తుంది. ఆయనను కొనసాగిస్తారా? లేదా కొత్త వ్యక్తికి పార్టీ పగ్గాలు అప్పగిస్తారా అన్నది తేలాల్సి వుంది.

శ్రీనగర్:జమ్మూలోని రాంబాణ్ జిల్లా చందర్‌కోటే ప్రాంతంలో కూలీలు ఏర్పాటుచేసుకున్న శిబిరాల్లో అగ్నిప్రమాదం సంభవించి గురువారం అర్థరాత్రి పదిమంది మృత్యువాతపడ్డారు. సమాచారం తెలిసిన వెంటనే అగ్నిమాపక సిబ్బంది సంఘటన స్థలానికి చేరుకుని మంటలను ఆర్పివేశారు. పంజాబ్, హిమాచల్‌ప్రదేశ్‌నుంచి కూలీపనుల నిమిత్తం వచ్చినవారు ఇక్కడ తాత్కాలిక శిబిరాలను ఏర్పాటుచేసుకుని ఉంటున్నారు.