గౌహతి: కాంగ్రెస్ నేత నోలామొని సేన్ డెకాకు వ్యతిరేకంగా అసోం అంతటా నిరసనలు పెల్లుబికాయి. కేంద్ర మంత్రి స్మతీ ఇరానీని మోదీ రెండో భార్యని ఆరోపించిన డెకాపై బిజెపి కన్నెర్ర చేసింది. వెంటనే అతడిని కాంగ్రెస్ పార్టీ నుంచి బహిష్కరించాలని కోరింది. డెకాపై చర్యలు తీసుకునేందుకు కాంగ్రెస్ పార్టీ వెనకాడుతోంది. అతడి వ్యాఖ్యలతో తమ పార్టీకి సంబంధం లేదని చెప్పి ఊరుకుంది.

చండీగఢ్ :చండీగఢ్ లో సోమవారం భవనం కుప్పకూలిన దుర్ఘటనలో ఆరుగురు కార్మికులు మరణించగా మరో పన్నెండు మంది తీవ్రంగా గాయపడ్డారు. గాయపడిన వారికి ఆసుపత్రికి తరలించిన పోలీసులు సహాయ కార్యక్రమాలను కొనసాగిస్తున్నారు.

న్యూఢిల్లీ :డీడీసీఏలో అవినీతికి కేంద్ర ఆర్థిక మంత్రి అరుణ్‌జైట్లీ నైతిక బాధ్యతవహించాలని ఎంపీ కిర్తి అజాద్ అన్నారు. బిజెపి నుంచి బహిష్కరణకు గురైన ఎంపీ కిర్తి అజాద్ మీడియాతో మాట్లాడుతూ తనపై చర్య తీసుకోవటం పార్టీకే అప్రతిష్ట అని పేర్కొన్నారు. డీడీసీఏ కుంభకోణాన్ని కప్పిపుచ్చే ప్రయత్నం జరుగుతుందని అన్నారు.

న్యూఢిల్లీ, డిసెంబర్ 27: ఇప్పుడున్న పార్లమెంటు భవనం 88ఏళ్ల నాటిది కావడంతో దానిపై ఒత్తిడి పెరిగిపోతోందని, మరోవైపు స్థలం కూడా చాలడం లేదని, అందువల్ల కొత్త పార్లమెంటు భవనం నిర్మిస్తే బాగుంటుందని లోక్‌సభ స్పీకర్ సుమిత్రా మహాజన్ ఒక ప్రతిపాదన చేసారు. అంతేకాక ప్రత్యామ్నాయ స్థలంకోసం ఆమె రెండు మార్గాలను సైతం సూచించారు.