న్యూఢిల్లీ, ఆగస్టు 18: తనకు కూడా దేశ అత్యున్నత క్రీడా పురస్కారం రాజీవ్ ఖేల్ రత్న ఇవ్వాలని కేంద్రానికి పారాలింపియన్ దీపా మాలిక్ లేఖ రాసింది. రియో పారాలింపిక్స్ మహిళల షాట్‌పుట్‌లో రజత పతకం సాధించిన దీపా మాలిక్ పేరు గత ఏడాది చర్చకు వచ్చింది. కానీ, అవార్డుల కమిటీ ఆమె అభ్యర్థిత్వం పట్ల ఆసక్తిని చూపలేదు.

లక్నో, ఆగస్టు 18: ప్రో కబడ్డీ టోర్నమెంట్‌లో అంతర్-మండల పోటీల్లో భాగంగా శుక్రవారం ఉత్కంఠ భరితంగా సాగిన మ్యాచ్‌లో యు ముంబా మూడు పాయింట్ల తేడాతో యుపి యోద్ధపై విజయం సాధించింది. షాబీర్ బప్పు 13, అనూప్ కుమార్ 8, సురీందర్ సింగ్ 5 పాయింట్లతో రాణించడంతో యు ముంబా 37 పాయింట్లు సాధించింది. గాయం నుంచి కోలుకొని మళ్లీ బరిలోకి దిగిన బప్పు తన జట్టు విజయంలో కీలక పాత్ర పోషించడం విశేషం.

ముంబయి, ఆగస్టు 18: ఆసియా కప్ ఫుట్‌బాల్ క్వాలిఫయర్స్‌కు సిద్ధమయ్యేందుకు భారత్ సన్నాహాలు ముమ్మరం చేసింది. ఈ క్రమంలోనే మూడు ఫ్రెండ్లీ మ్యాచ్‌లు ఆడుతుంది. ప్రపంచ ర్యాంకింగ్స్‌లో ప్రస్తుతం 97వ స్థానంలో ఉన్న భారత్ శనివారం తొలి ఫ్రెండ్లీలో మారిషస్‌ను ఢీ కొంటుంది. ర్యాంకింగ్స్‌లో మారిషస్ 160వ స్థానంలో ఉంది. ఆతర్వాత మరో ఫ్రెండ్లీలో, 125వ ర్యాంక్ జట్టు సెయింట్ కిట్స్ అండ్ నెవిస్‌ను ఎదుర్కొంటుంది.

న్యూఢిల్లీ, ఆగస్టు 18: భారత క్రికెట్ జట్టులో కొత్త ఒరవడి మొదలైంది. గతంలో ఎన్నడూ లేని విధంగా ప్రతి ఆటగాడు ఫిట్నెస్‌పై దృష్టి సారిస్తున్నాడు. శ్రీలంకతో జరిగే ఐదు మ్యాచ్‌ల వనే్డ సిరీస్‌కు ఎంపిక చేసిన జట్టులో ఆల్‌రౌండర్ యువరాజ్ సింగ్‌కు తప్పక స్థానం దక్కుతుందని అతని అభిమానులు ఆశించారు. కానీ, జాతీయ సెలక్షన్ కమిటీ అతని పట్ల ఆసక్తి చూపలేదు.