విజయవాడ (స్పోర్ట్స్), జూలై 14: జాతీయస్థాయి సీనియర్ అథ్లెటిక్స్ చాంపియన్‌షిప్‌కు ఏర్పాటు చేసిన సింథటిక్ ట్రాక్ అంతర్జాతీయ ప్రమాణాలకు తగ్గట్టుగా ఉందని అథ్లెటిక్స్ ఫెడరెషన్ ఆఫ్ ఇండియా ప్రధాన కార్యదర్శి సికె వల్సన్ అన్నారు. శుక్రవారం ఆంధ్రభూమి క్రీడా ప్రతినిధితో ఆయన మాట్లాడుతూ ప్రపంచంలో ఎక్కువగా బ్లూ కలర్ ట్రాక్‌ను వాడుతున్నారన్నారు. బ్లూ కలర్ వల్ల రేడియేషన్ తక్కువగా ఉంటుందన్నారు.

లండన్, జూలై 13: వింబుల్డన్ గ్రాండ్ శ్లామ్ టెన్నిస్ టోర్నమెంట్ మహిళల సింగిల్స్‌లో స్పెయిన్ క్రీడాకారిణి, ప్రపంచ 14వ ర్యాంకర్ గార్బినె ముగురుజా, 11వ స్థానంలో ఉన్న వీనస్ విలియమ్స్ ఫైనల్ చేరారు. టైటిల్ కోసం వీరి మధ్య శనివారం తుది పోరాటం జరుగుతుంది.

బార్సిలోనా: బార్సిలోనా క్లబ్‌కు ప్రాతినిథ్యం వహిస్తున్న అర్జెంటీనా సాకర్ సూపర్ స్టార్ లియోనెల్ మెస్సీ, అతని తండ్రి జార్జి హొరాసియోలకు స్పెయిన్ కోర్టులో ఊరట లభించింది. జైలు శిక్షకు బదులు జరిమానా చెల్లించే వెసులుబాటు కల్పించింది. తప్పుడు లెక్కలు చూపి వీరిద్దరూ భారీగా పన్ను ఎగవేశారని ఆదాయపన్ను శాఖ దాఖలు చేసిన కేసును పరిశీలించిన కోర్టు నిరుడు జూలై మాసంలో వీరికి జైలు శిక్షను ఖరారు చేసింది.

లండన్: వింబుల్డన్‌లో పాల్గొనే వారంతా సంప్రదాయంగా వస్తున్న తెల్లటి దుస్తులనే ధరించాలి. గ్రాండ్ శ్లామ్ టోర్నీల్లోగానే, మిగతా ఏ టోర్నీలోనూ కనిపించని డ్రెస్ కోడ్‌ను వింబుల్డన్‌లో తప్పనిసరిగా పాటిస్తున్నారు. దుస్తులే కాదు.. చివరికి బూట్లు కూడా తెల్లనివే వేసుకోవాలి. డ్రెస్ కోడ్‌ను ఉల్లంఘించిన వారికి అంపైర్లు ముందుగా జరిగిన పొరపాటును సూచిస్తారు. మార్పు రాకపోతే, చర్యలు తీసుకుంటారు.