న్యూఢిల్లీ, ఆగస్టు 4: విశాఖపట్నంలో పెట్రో వర్సిటీ ఏర్పాటుకు ఉద్దేశించిన భారత పెట్రోలియం, ఇంధన సంస్థ 2017 బిల్లుకు శుక్రవారం లోక్‌సభ ఆమోదం తెలిపింది. పెట్రో వర్సిటీ గత రెండేళ్లుగా తాత్కాలిక వసతుల్లో పని చేయటం తెలిసిందే. రాష్ట్ర విభజన చట్టంలో ఇచ్చిన హామీమేరకు పొందుపర్చిన బిల్లును లోక్‌సభ ఆమోదించటంతో పెట్రో వర్సిటీ ఏర్పాటుపై మరో అడుగు ముందుకేసినట్టయ్యింది.

పోలవరం, ఆగస్టు 3: ఏటా వరదల ద్వారా వేల టిఎంసిల నీరు వృథాగా సముద్రంలో కలిసిపోతున్న తరుణంలో 194 టిఎంసిల సామర్థ్యంతో నిర్మిస్తున్న పోలవరం ప్రాజెక్టుపై అపోహలు తగదని లోక్‌సత్తా జాతీయ అధ్యక్షుడు జయప్రకాశ్ నారాయణ వ్యాఖ్యానించారు.

కాకినాడ, ఆగస్టు 3: కాపు ఉద్యమనేత ముద్రగడ పద్మనాభం పాదయాత్రను సాయుధ బలగాలు మరోసారి అడ్డుకున్నాయి. గురువారం ఉదయం కిర్లంపూడిలో స్వగృహం నుండి పాదయాత్ర చేసేందుకు కాపు జెఏసి నేతలతో బయటకు వస్తుండగా ఇంటి ప్రధాన ద్వారం వద్దే పోలీసులు అడ్డుకున్నారు. 2009లో సుప్రీంకోర్టు మార్గదర్శకాలను అనుసరించి పాదయాత్రకు అనుమతించేది లేదని స్పష్టం చేశారు.

విజయవాడ, ఆగస్టు 3: రాష్ట్రంలోని ఆక్రమిత స్థలాల్లో ఇళ్లను క్రమబద్ధీకరించేందుకు రాష్ట్ర మంత్రిమండలి నిర్ణయించింది. 2013 బేసిక్ రేటు ఆధారంగా టెలీస్కోపిక్ విధానంలో క్రమబద్ధీకరించనున్నారు. వెలగపూడి సచివాలయంలో సిఎం చంద్రబాబు అధ్యక్షతన కేబినెట్ గురువారం సమావేశమైంది. మంత్రిమండలి నిర్ణయాలను మంత్రులు కళా వెంకట్రావు, ప్రత్తిపాటి పుల్లారావు మీడియాకు వివరించారు.