హైదరాబాద్, మార్చి 19: ఆంధ్రప్రదేశ్ శాసనసభ వరుసగా రెండోరోజు శనివారం కూడా రోజా అంశంపై అట్టుడికిపోయింది. సభ ప్రారంభంనుండి వైకాపా ఎమ్మెల్యేలు ‘ఉయ్ వాంట్ జస్టిస్’ అంటూ పెద్దపెట్టున నినాదాలు చేశారు. ప్రశ్నోత్తరాల కార్యక్రమం జరుగుతుండగానే వైకాపా సభ్యులు పోడియం వద్దకు చేరుకుని నినాదాలు చేయడంతో సభలో తీవ్ర గందరగోళం చెలరేగింది.

హైదరాబాద్, మార్చి 19: న్యాయాధికారుల సదస్సులో ఆంధ్రప్రదేశ్ ముఖ్యమంత్రి చంద్రబాబు నాయుడు ఆంగ్లంలో ప్రసంగిస్తే, తెలంగాణ సిఎం కెసిఆర్ తెలుగులో మాట్లాడటం విశేషం. తన సహచర ముఖ్యమంత్రి చంద్రబాబు నాయుడు ఆంగ్లంలో ప్రసంగించడంతో తాను తెలుగులో మాట్లాడుతానంటూ కెసిఆర్ ప్రసంగాన్ని ప్రారంభించారు.

హైదరాబాద్: ప్రతిపక్ష నేత వైఎస్ జగన్మోహన్ రెడ్డిని ఉద్దేశించి అసెంబ్లీలో అన్‌పార్లమెంటరీ పదాలు వాడినందుకు ముఖ్యమంత్రి చంద్రబాబు, మరో ముగ్గురు మంత్రులకు వ్యతిరేకంగా వైకాపా సభాహక్కుల ఉల్లంఘన కింద నోటీసులను శాసనసభ కమిటీకి అందచేసింది. మంత్రులు దేవినేని ఉమామహేశ్వరరావు, కె అచ్చెంనాయుడు, కామినేని శ్రీనివాస్‌పై ఈ నోటీసులను అందచేశారు.

హైదరాబాద్: ప్రజాసమస్యలను చర్చించే వేదికైన శాసనసభలో అధికార, విపక్షాలు వాటిని పక్కన పెట్టి, పంతాలు, పట్టింపులకు పోతున్నాయి. విపక్షాన్ని రెచ్చగొట్టి, వారిని తప్పుదోవపట్టించి తమ లోపాలు బహిర్గతం కాకుండా చూసుకోవాలని అధికార పక్షం ప్రయత్నిస్తున్నట్టు ప్రస్తుతం జరుగుతున్న శాససనభ సమావేశాలు చూస్తే అర్థం అవుతోంది. అవిశ్వాస తీర్మానాలతో సభా సమయం రెండు రోజులు వృథా అయింది.