హైదరాబాద్: కాంగ్రెస్ నేతలు కోమటిరెడ్డి వెంకటరెడ్డి, సంపత్‌లకు చెందిన కోర్టు ధిక్కారణ వ్యాజ్యంలో తెలంగాణ ప్రభుత్వానికి ఊరట లభించింది. కోమటిరెడ్డి, సంపత్‌లను ఎమ్మెల్యేలుగా కొనసాగించాలన్న సింగిల్ జడ్జి ఉత్తర్వులను హైకోర్టు నిలిపివేసింది. రెండు నెలల పాటు ఉత్తర్వులు నిలిపివేయాల్సిందిగా ధర్మాసనం ఆదేశించింది.

విజయవాడ, ఆగస్టు 20: కేంద్ర ప్రభుత్వం నుంచి పీఎఫ్‌కు సంబంధించిన సమాచారం అందగానే ముఖ్యమంత్రి యువనేస్తం (నిరుద్యోగ భృతి) వెబ్‌సైట్‌ను ప్రారంభిస్తామని, వెంటనే రిజిస్ట్రేషన్లను కూడా చేపడతామని రాష్ట్ర ఐటీ శాఖ మంత్రి లోకేష్ వెల్లడించారు. వెలగపూడి సచివాలయంలో ఈ శాఖ అధికారులతో, వివిధ వర్సిటీల ప్రతినిధులతో సోమవారం మంత్రి కొల్లు రవీంద్రతో కలిసి ఆయన సమీక్ష నిర్వహించారు.

విశాఖపట్నం, ఆగస్టు 20: విశాఖలో ఈనెల 23వతేదీన రెండవ జ్ఞానభేరి కార్యక్రమాన్ని నిర్వహించనున్నట్టు రాష్ట్ర మానవవనరుల శాఖ మంత్రి గంటా శ్రీనివాసరావు తెలియజేశారు. జ్ఞానభేరి కార్యక్రమాన్ని విజయవంతం చేసేందుకు రాష్ట్రంలోని అన్ని వర్శిటీల వీసీలతో సోమవారం స్థానిక ఆంద్రా యూనివర్శిటీలో మంత్రి గంటా సమీక్ష నిర్వహించారు.

విశాఖపట్నం, ఆగస్టు 20: వాయువ్య ఒడిశా పరిసరాల్లో ఏర్పడిన అల్పపీడన ప్రభావంతో కోస్తాలో రాగల 24 గంటల్లో కోస్తా అంతటా వర్షాలు కురుస్తాయని విశాఖ వాతావరణ కేంద్రం అధికారులు సోమవారం రాత్రి తెలిపారు. అల్పపీడనానికి అనుగుణంగా ఉపరితల ఆవర్తనం 7.6 కి.మీ. ఎత్తున ఏర్పడిందని పేర్కొన్నారు. ఈ రెండింటి ప్రభావంతో కోస్తాలో మంగళవారం ఉదయం వరకూ పలుచోట్ల వర్షాలు, ఒకటి రెండు చోట్ల భారీ వర్షాలు కురిసే అవకాశం ఉందన్నారు.