సిద్దిపేట: సిద్దిపేట జిల్లా గజ్వేల్‌లో లక్షా నూట పదహారు మొక్కలు నాటే కార్యక్రమాన్ని సీఎం కేసీఆర్‌ ప్రారంభించారు. ఇందిరాపార్కు కూడలి వద్ద కదంబ మొక్కను సీఎం నాటారు. వరంగల్‌ జిల్లా తిమ్మాపూర్‌లో బెస్తాం చెరువు వద్ద ఉపముఖ్యమంత్రి కడియం శ్రీహరి మొక్కలు నాటారు.

తిరుపతి, జూలై 31: తిరుమల శ్రీ వేంకటేశ్వర స్వామి సాలకట్ల, నవరాత్రి బ్రహ్మోత్సవాలు అంగరంగ వైభవంగా నిర్వహిస్తామని టీటీడీ ఈఓ అనిల్‌కుమార్ సింఘాల్ చెప్పారు. బ్రహ్మోత్సవాల నిర్వహణ, ఏర్పాట్లపై తిరుమలలోని అన్నమయ్య భవన్‌లో మంగళవారం జిల్లా కలెక్టర్ ప్రద్యుమ్న, తిరుపతి ఎస్పీ అభిషేక్ మహంతితో కలిసి అన్ని విభాగాల అధికారులతో టీటీడీ ఇఓ సమీక్ష సమావేశం నిర్వహించారు.

విశాఖపట్నం/ఎస్.రాయవరం, జూలై 31: ‘పనిచేయడంలో నేను పెద్ద కూలీని. నిద్రించే సమయం తప్ప మిగిలిన సమయమంతా కష్టపడుతూనే ఉంటా. అందుకే నేను అనుకున్న లక్ష్యాన్ని సాధించడంలో ముందుటా’నని ముఖ్యమంత్రి చంద్రబాబు నాయుడు అన్నారు. విశాఖ జిల్లా ఎస్.రాయవరం మండలం గుడివాడలో మంగళవారం నిర్వహించిన గ్రామదర్శిని, రచ్చబండ కార్యక్రమంలో ఆయన పాల్గొన్నారు.

విజయవాడ, జూలై 31: రాజధాని అమరావతి ఐటీ హబ్‌గా మారనుంది. ఇప్పటికే అనేక కంపెనీలు రాజధాని పరిధిలో కొలువు తీరగా, మరో 10 కంపెనీలు తమ కార్యకలాపాలను బుధవారం నుంచి ప్రారంభించనున్నాయి. విజయవాడ, గుంటూరు, మంగళగిరి తదితర ప్రాంతాల్లో ఇప్పటి వరకూ 100 ఐటీ కంపెనీలు ప్రారంభమయ్యాయి. ఈ కంపెనీల్లో 5 వేల మంది వరకూ పని చేస్తున్నారు. తాడేపల్లిలోని ఇన్ఫోసైట్ భవనంలో బుధవారం 10 కొత్త ఐటీ కంపెనీలు ఏర్పాటు కానున్నాయి.