విజయవాడ, జూలై 12: ప్రభుత్వానికి, ప్రజలకు వారధిగా అంగన్‌వాడీలు పని చేయాలని, అప్పుడే ప్రభుత్వం ఆశించిన లక్ష్యం నెరవేరి ప్రజలకు మేలు చేకూరుతుందని ముఖ్యమంత్రి చంద్రబాబు పేర్కొన్నారు. స్థానిక ఇందిరాగాంధీ మున్సిపల్ స్టేడియంలో గురువారం జరిగిన అంగన్‌వాడీల అవగాహన సదస్సు కార్యక్రమంలో ముఖ్యమంత్రి పాల్గొన్నారు. తొలుత ముఖ్యమంత్రి గర్భిణులకు సీమంతం నిర్వహించి వారికి పసుపు, కుంకుమ, గాజులు, చీరను అందించారు.

విజయవాడ: ఉత్తర బంగాళాఖాతం, దాని పరిసర ప్రాంతాల్లో రాగల 24 గంటల్లో అల్పపీఢనం ఏర్పడే అవకాశం ఉన్నందున కోస్తాంధ్రలో భారీ నుంచి అతిభారీ వర్షాలు పడే అవకాశం ఉందని వాతావరణ శాఖ హెచ్చరించింది. అలాగే రాయలసీమ పరిసర ప్రాంతాల్లో ఓ మోస్తరు వర్షాలు పడతాయని, తీరం వెంబడి 40-50 కి.మీ వేగంతో వర్షాలు పడే అవకాశం ఉందని వాతావరణ శాఖ వెల్లడించింది. మత్స్యకారులు సముద్రం వేటకు వెళ్లవద్దని పేర్కొంది.

విజయవాడ: జనసేన అధినేత పవన్ కల్యాణ్ పోరాట యాత్ర గోదావరి జిల్లాల్లో ఈనెల 16 నుంచి ప్రారంభంకానున్నది. తూర్పుగోదావరి జిల్లాలో జగన్ ప్రజా సంకల్ప యాత్ర నిర్వహిస్తున్నందున పశ్చిమ గోదావరి జిల్లా నుంచి ఆయన తన పోరాట యాత్రను ప్రారంభించనున్నారు.

హైదరాబాద్ : తెలంగాణ రాష్ట్ర వ్యాప్తంగా పలు ప్రాంతాల్లో వర్షాలు కురుస్తున్నాయి. నగరంలోని మలక్‌పేట, దిల్‌సుఖ్‌నగర్, సైదాబాద్, చంపాపేటతో పాటు పలు చోట్ల ఈ ఉదయం నుంచి ఎడతెరిపి లేకుండా వర్షం కురుస్తుంది. కాళేశ్వరం వద్ద నీటి ప్రవాహం నిలకడగా కొనసాగుతుంది. ఉమ్మడి నల్లగొండ జిల్లాలో సూర్యాపేట, యాదాద్రి భువనగిరి, శాలిగౌరారం, ఎల్కారంలో రాత్రి నుంచి ఎడతెరిపి లేకుండా వాన పడుతుంది.