హైదరాబాద్, జూన్ 30: హైదరాబాద్ ఫార్మా హబ్‌గా రూపొందినట్టు ఐటీ మంత్రి కే. తారకరామారావు చెప్పారు. శనివారం నాడు ఆయన జీనోమ్ వ్యాలీలో జరిగిన ప్రత్యేక కార్యక్రమంలో ఫెర్రింగ్ ఫార్మాస్యుటికల్స్ సంస్థకు శంకుస్థాపన చేశారు. ఈ సందర్భంగా ఆయన మాట్లాడుతూ హైదరాబాద్‌ను ప్రపంచ చిత్రపటంలో ఉన్నతస్థానంలో ప్రభుత్వం చేర్చిందని చెప్పారు.

కడప, జూన్ 30: ఆంధ్రప్రదేశ్ రాష్టమ్రంటే కేంద్రానికి చులకనై పోయిందని ముఖ్యమంత్రి చంద్రబాబు నాయుడు అన్నారు. ‘కేంద్రం సహాయ నిరాకరణ చేస్తోంది, మాకు సహకరిస్తే మేమూ సహకరిస్తాం.. లేదా పోరాడుతాం.. ఏం చేస్తారో చేసుకోండి’ అని విరుచుకుపడ్డారు.

హైదరాబాద్, జూన్ 30: ధైర్యం ఉంటే తనపై పోటీచేసి గెలవాలని ప్రధాని నరేంద్ర మోదీకి, బీజేపీ జాతీయ అధ్యక్షుడు అమిత్ షాకు మజ్లీస్ అధ్యక్షుడు, హైదరాబాద్ లోక్‌సభ సభ్యుడు అసదుద్దీన్ ఒవైసీ సవాల్ విసిరారు. కాంగ్రెస్ అధ్యక్షుడు రాహుల్ గాంధీతో పోటీకి కూడా తాను సిద్ధంగానే ఉన్నానని అన్నారు. శనివారం తన మద్దతుదారులతో హైదరాబాద్‌లో ఆయన భారీ ఊరేగింపు నిర్వహించారు.

నిజామాబాద్, జూన్ 30: దిగువ గోదావరిలో జలకళకు ప్రధాన అవరోధంగా మారిన ‘బాబ్లీ’ బంధనం తాత్కాలికంగా వీడనుంది. సుప్రీంకోర్టు తీర్పును అనుసరిస్తూ నేడు బాబ్లీ గేట్లను తెరువనుండగా, వరద జలాలు దిగువ గోదావరిలోకి పరుగులు పెట్టనున్నాయి. నిజామాబాద్ జిల్లా సరిహద్దున మహారాష్ట్ర నిర్మించిన వివాదాస్పద బాబ్లీ ప్రాజెక్టు గేట్లను అక్టోబర్ 28వ తేదీ వరకు తెరిచి ఉంచనున్నారు.