ఆర్మూర్, జూలై 1: నిరంకుశ పాలనతో ప్రజాస్వామ్యాన్ని ఖూనీ చేస్తున్న టీఆర్‌ఎస్ గడీల పాలనను కూల్చి గరీబోళ్ల రాజ్యాన్ని స్థాపిస్తామని బీజేపీ రాష్ట్ర అధ్యక్షుడు డాక్టర్ లక్ష్మణ్ పేర్కొన్నారు. గడీల రాజ్యం లో మంత్రులు, ఎమ్మెల్యేలకు కలిసే అవకాశం లేకుండా పోయిందని అన్నారు. ఆదివారం రాత్రి నిజామాబాద్ జిల్లా ఆర్మూర్‌కు జన చైతన్య యాత్ర రాగా స్థానిక నాయకులు ఘన స్వాగతం పలికారు.

హైదరాబాద్, జూలై 1: ముఖ్యమంత్రి కే. చంద్రశేఖర్‌రావుతో జేడీఎస్ అధినేత, మాజీ ప్రధాని హెచ్‌డి దేవెగౌడ సమావేశం జాతీయ స్థాయిలో ఫెడరల్ ఫ్రంట్ ఏర్పాటుకు ఊతమిచ్చినట్టయింది. జమిలి ఎన్నికలు, ముందస్తు ఎన్నికలపై జోరుగా ఊహగానాలు జరుగుతున్న సమయంలో వారి రాజకీయ మంతనాలు ప్రాధాన్యతను సంతరించుకున్నయి. కాంగ్రెస్ సీనియర్ నాయకుడు, రాజ్యసభ సభ్యుడు టి. సుబ్బరామి రెడ్డి మనుమడు అనిరుథ్ వివాహాం ఆదివారం నగరంలో జరిగింది.

విజయవాడ, జూలై 1: రాష్ట్రంలో స్టార్ రేటెడ్ విద్యుత్ ఉపకరణాల వినియోగాన్ని సమర్థవంతంగా అమలు చేయాలని ముఖ్యమంత్రి చంద్రబాబు నాయుడు అధికారులను ఆదేశించారు. త్వరలో ఈమేరకు ప్రత్యేక కార్యక్రమం అమలు చేయనున్నామని, ప్రతిఒక్కరూ ఇంధన సైనికులుగా మారాలని పిలుపునిచ్చారు. ఉండవల్లిలోని తన నివాసం నుంచి ఆదివారం ఆయన ఇంధన శాఖ మంత్రి, అధికారులతో టెలీకాన్ఫరెన్స్ నిర్వహించారు.

హైదరాబాద్, జూన్ 30: తెలంగాణలోని డిగ్రీ కాలేజీల్లో 1,84,157 మందికి సీట్లు కేటాయించారు. ఇందులో అమ్మాయిలు 1,00,743 మంది కాగా, అబ్బాయిలు 83,414 మంది మాత్రమే. తొలి దశలో 79,528 మంది, రెండో దశలో 47,335 మంది సీట్లను ధృవీకరించగా, మూడో దశలో 57,294 మందికి సీట్లు కేటాయించారు. మూడోదశలో కొత్తగా సీట్లు పొందిన వారు 44,106 మంది కాగా అందులో అమ్మాయిలు 20,435 మంది కాగా, అబ్బాయిలు 23681 మంది ఉన్నారు.