హైదరాబాద్, జూన్ 29: నిరుద్యోగ యువతకు వివిధ రంగాల్లో ఉచితంగా ఉపాధి శిక్షణ ఇస్తున్న ఎన్‌టీఆర్ ట్రస్ట్ జూలై 4 నుంచి కుకరీ వర్క్‌షాప్‌ను నిర్వహిస్తోంది. ప్రీడం సంస్థ భాగస్వామ్యంతో నిర్వహిస్తున్న ఈ వర్క్‌షాప్‌లో స్వీట్స్, చైనీస్, బ్రేక్‌ఫాస్ట్, బేకరీ ఐటమ్స్ తయారీ పద్దతులపై శిక్షణ ఇవ్వనున్నారు.

హైదరాబాద్, జూన్ 29: తమ పార్టీ ఇంకో 15 ఏళ్లపాటు అధికారంలో ఉండటంతో పాటు కేసీఆరే ముఖ్యమంత్రిగా ఉంటారని ఐటీ, మున్సిపల్‌శాఖ మంత్రి కల్వకుంట్ల తారకరామారావు ధీమా వ్యక్తం చేశారు. కాంగ్రెస్ నాయకులు ఎన్ని గాలి మాటలు చెప్పినా ప్రజలు నమ్మే పరిస్థితిలో లేరన్నారు. తెలంగాణాను తామే ఇచ్చామని చెబుతుంటారని, అసలు తెలంగాణ ఇచ్చింది అమ్మకాదు, బొమ్మకాదు వందలాది మంది బలిదానాలతో వచ్చిందని కేటిఆర్ వెల్లడించారు.

మహబూబ్‌నగర్/అయిజ, జూన్ 29: ‘రాబోయే ఎన్నికల్లో మళ్లీ నన్ను దీవించండి. మీకు మళ్లీ సేవచేసే అవకాశం కల్పించండి’ అని ముఖ్యమంత్రి కల్వకుంట్ల చంద్రశేఖర్‌రావు ప్రజలను కోరారు. శుక్రవారం జోగుళాంబ గద్వాల జిల్లాలో ముఖ్యమంత్రి కేసీఆర్ పర్యటించారు. అలంపూర్ నియోజకవర్గంలోని తుమ్మిళ్ల ఎత్తిపోతల పథకం పనులను పరిశీలించారు. అలాగే గద్వాల నియోజకవర్గంలోని గట్టు ఎత్తిపోతల పథకం పనులకు పైలాన్‌ను ఆవిష్కరించారు.

హైదరాబాద్, జూన్ 29: కర్నాటక తరహా ప్రభుత్వం రాష్ట్రంలో ఏర్పాటైనా ఆశ్చర్యపడాల్సిన అవసరం లేదని సీఎల్‌పీ నేత కె. జానారెడ్డి స్పష్టం చేశారు. వచ్చే ఎన్నికల్లో కాంగ్రెస్ పార్టీ కచ్చితంగా అధికారం చేపడుతుందని ఆయన శుక్రవారం మీడియాతో మాట్లాడుతూ ధీమా వ్యక్తం చేశారు. అయితే ఎన్ని సీట్లు వస్తాయనేది తాను చెప్పనని ఆయన అన్నారు. ఎన్నికలు ఎప్పుడు వచ్చినా ఎదుర్కోవడానికి తమ పార్టీ సిద్ధంగా ఉందని జానా వెల్లడించారు.